Mustafa Sandal sentyabrın 5-də 94-cü İzmir Beynəlxalq sərgisində səhnəyə çıxıb.
Həmin günkü konsert zamanı Sandal, səhnədəki ekranda davamlı olaraq özünü göstərən rejissor heyətinə səslənərək: “Oğlum, bir az diqqətli ol. Geri zəkalısan? Davamlı məni göstərirsən,” — deyib.
Bu anlar qısa zamanda sosial şəbəkələrdə geniş müzakirə mövzusu olub.
Bütün Tədbir Texnologiyaları Sektoru Dərnəyi baş verən hadisə ilə bağlı bəyanat yayıb:
“Mustafa Sandalın vəzifəsini layiqincə yerinə yetirən əməkçisinə təhqir etməsini kədər və təəccüblə qarşıladıq. Sənətçini izləməklə vəzifəli olan işıqçını “Tamaşaçıya çevir” şəklində yönləndirməyə çalışmaq, bu əməyi heçə saymaqla yanaşı, əsas texniki bilikdən belə uzaq olduğunu göstərir. Səhnə heyətinə təhqir edilməsi qətiyyən qəbul edilə bilməz. Bu yanaşma böyük hörmətsizlikdir.”
“BATUHAN QARDAŞIMIN QƏLBİNİ QIRDIM”
Ötən axşam Bursada konsert verən Mustafa Sandal tənqid olunan sözləri ilə bağlı bunları bildirib:
“İzmirdə baş verən hadisəyə toxunmaq istəyirəm. Üç mindən çox konsert vermişəm, orkestrimə, heyətimə, texniki komandama olan qardaşlıq münasibətimi hamı yaxşı bilir. Biz də insanıq… Bəzən nəsə canımızı sıxa bilir, əhvalımız korlana bilir.”
“İlk dəfə İzmirdə gənc texniki heyətdən olan dostum Batuhana rast gəldi. Mən yaraşmayan bir söz dedim və onun könlünü, qəlbini qırdım. O, bizim işığımızı ucaltmaq üçün oradadır, motivasiyası qırıldığı üçün kədərləndim. Mən hamınızın hüzurunda Batuhan qardaşımdan üzr istəyirəm.”
