Nicolo Zaniolonun qaçırdığı qol müzakirələrə səbəb oldu
İtaliya təmsilçisi Nicolo Zaniolo, transfer pəncərəsinin son günlərində “Qalatasaray”dan “Udinese”yə icarəyə verildikdən sonra qaçırdığı qolla gündəmə gəlib. Oyunun ikinci hissəsində qol vurmaq üçün əlverişli vəziyyətə düşən italiyalı futbolçu, topu boş qapıdan keçirə bilməyib və bu, böyük təəccübə səbəb olub. Bu epizod sosial mediada geniş müzakirə mövzusu olub.
Zaniolodan açıqlama
Yaranmış vəziyyətlə bağlı danışan Zaniolo bunları deyib: “Hələ də bizə 3 xal qazandıra biləcək həmin şansı düşünürəm! Lakin futbolda özümüzə yazığımız gəlməyə vaxt yoxdur, çünki iki həftədən az bir müddət sonra bu möhtəşəm formada yenidən meydanda olacağıq!”
