Qalatasaray rekord, Beşiktaş ümid ardınca
Futbol azarkeşləri 2025-26 mövsümünün ilk derbi qarşılaşması üçün bu gün diqqətlərini “Rams Park” stadionuna yönəldəcəklər. Bir tərəfdə ardıcıl yeddi oyunda qələbə qazanan Qalatasaray, digər tərəfdə Sergen Yalçın rəhbərliyi altında üst-üstə iki matçda qalib gələn Beşiktaş… Futbolsevərlər nəfəsini tutub, həyəcanla başlama fitinin çalınmasını gözləyir.
Qalatasaray bu oyunda qalib gəlsə, tarixində ən yaxşı mövsüm başlanğıcı rekordunu səkkizə yüksəldəcək və “Liverpul”dan sonra azarkeşlərinə bir də derbi sevinci yaşadacaq. Hazırda liderdən doqquz xal geri qalan və bir oyunu əskik olan Beşiktaş isə derbi qələbəsi ilə zirvə üçün ümidlənərək, çempionluq yarışındakı iddiasını yenidən gücləndirməyi hədəfləyir.
Oyun qurucusu Rafa
Qalatasaray derbisində Beşiktaşın ən əhəmiyyətli silahı Rafa Silva olacaq. “Kayserispor” matçında üç qol vuraraq karyerasında ilk dəfə het-trik edən portuqaliyalı ulduz, daha sonra “Kocaelispor”u da boş buraxmadı. Oyun planını Rafa Silva üzərindən quran Sergen Yalçın, onun açar pasları və arxaya qaçışları ilə qələbə axtaracaq.
Beşiktaşda hər kəs hazırdır
“Liverpul” qarşısında penaltidən qələbə qolunu vuran Victor Osimhen, Beşiktaş derbisinə hazır vəziyyətə gəldi. Bir gün əvvəlki məşqdə iştirak etməyən nigeriyalı ulduz, dünən komanda ilə birlikdə çalışdı. Ötən mövsüm 2-1-lik matçda başla qara-ağların qapısına yol tapan Osimhen, bu günü də boş keçirmək istəmir.
