Sezonun son böyük tennis turniri olan ABŞ Açığında Belarus təmsilçisi Arina Sabalenka və serbiyalı Novak Cokoviç dörddəbir finala yüksəliblər.
Sabalenka çətinlik çəkmədi
Nyu-Yorkda keçirilən turnirin 8-ci günündə qadınların tək yarışında dünyanın 1 nömrəsi olan Sabalenka, dördüncü turda reytinq cədvəlinin 95-ci pilləsində qərarlaşan ispan Kristina Buksa ilə qarşılaşıb.
Son çempion Sabalenka, bir saat 13 dəqiqə davam edən matçda rəqibini 6-1 və 6-4 hesabıyla başa çatan setlərlə 2-0 məğlub edərək növbəti mərhələyə adlayıb.
Uimbldonda 2023-cü ilin çempionu, dünya reytinqində 60-cı olan çexiyalı Marketa Vondrousova, 2022 Uimbldonun qalibi qazaxıstanlı Elena Rıbakinanı (9 nömrəli seribaşı) 6-4, 5-7 və 6-2 hesabıyla başa çatan setlərlə 2-1 məğlub edib. Vondrousova dörddəbir finalda Sabalenkanın rəqibi olacaq.
Reytinq cədvəlinin 62-ci pilləsində yerləşən, iki dəfə böyük dəbilqə çempionu olan çexiyalı Barbora Krejçikova isə ABŞ təmsilçisi Teylor Taunsendi 1-6, 7-6 və 6-3 hesabıyla tamamlanan setlərlə 2-1 yenərək dörddəbir finalda amerikalı Cessika Pequla ilə qarşılaşacaq.
Djokoviç asanlıqla qalib gəldi
Karyerasında 4 dəfə ABŞ Açığı çempionluğuna yüksələn 7 nömrəli seribaşı Djokoviç, bir saat 49 dəqiqə davam edən tək kişilərin 4-cü tur matçında dünya reytinqində 144-cü olan alman Yan-Lennard Ştruffu 6-3, 6-3 və 6-2-lik setlərlə 3-0 məğlub edib.
Djokoviç, bir mövsümdə 4 böyük dəbilqə turnirinin hər birində dörddəbir finala yüksələn ən yaşlı (38 yaş 94 gün) kişi tennisçi olub.
ABŞ təmsilçisi Teylor Fritz (4), çexiyalı Tomaş Maxaçı (21) 3-0 (6-4, 6-3, 6-3), çexiyalı Yiri Leheçka (20) da fransalı Adrian Mannarinonu 3-1 (7-6, 6-4, 2-6, 6-2) hesabı ilə yenərək növbəti mərhələyə keçiblər.
Djokoviçin Fritz ilə qarşılaşacağı dörddəbir finalda Leheçka isə ispan Karlos Alkaras (2) ilə mübarizə aparacaq.