Nazir Hegseth‘in təyyarəsi Böyük Britaniyada təcili eniş etdi
Pentagonun sözçüsü Şon Parnell ABŞ-ın X sosial media platformasında verdiyi açıqlamada, NATO toplantısından qayıdan nazir Hegseth’in təyyarəsinin ön şüşəsində yaranan çat səbəbindən Böyük Britaniyada yerləşən bir aeroporta təcili eniş etməli olduğunu bildirib.
Parnell qeyd edib ki, nazirin təyyarəsi bütün standart prosedurlara tam uyğun şəkildə enib. O, həmçinin vurğulayıb ki, nazir Hegseth də daxil olmaqla, təyyarədə olan bütün heyət üzvləri təhlükəsiz vəziyyətdədirlər. Bu hadisə NATO Müdafiə Nazirləri Toplantısından ABŞ-a qayıdarkən baş verib.
Brüssel səfəri və Ukrayna məsələləri
Nazir Hegseth bu gün Brüsseldəki NATO Qərargahında keçirilən Ukrayna Müdafiə Kontakt Qrupunun iclasında iştirak etmişdi. O, bu toplantıda Rusiya-Ukrayna müharibəsinin gedişatı ilə bağlı vəziyyəti dəyərləndirmişdi.
