Fenerbahçe’dən ayrıldıqdan sonra adı Beşiktaş ilə hallanan, lakin karyerasını İngiltərənin Birmingham City klubunda davam etdirən Bright Osayi-Samuel transfer prosesi ilə bağlı açıqlamalar verib.
## Beşiktaş İddialarına Son Nöqtə
Birmingham Mail-ə müsahibəsində Osayi-Samuel, Beşiktaşdan heç bir təklif almadığını bildirib. O, Türkiyədə keçirdiyi illəri dəyərləndirərək, Fenerbahçenin ona çox şey qazandırdığını vurğulayıb.
“Türkiyədə dörd il keçirdim və son bir ildə vətənə qayıtmaq istəyirdim, amma inandığım bir komandaya transfer olacağımı bilərək geri dönmək istəyirdim. Məşqçi heyəti, klub sahibi və hədəflərlə danışdıqdan sonra buranın doğru yer olduğuna əmin oldum. Türkiyə mətbuatı ilə müəyyən problemlər yaşadım. Ola bilsin ki, onlar məni hədəfə almışdılar. Komandamın rəqibi olan Beşiktaşdan təklif aldığım, məni transfer etmək istədikləri, menecerimlə görüşdükləri deyildi, amma mən ora getmək istəmirdim,” deyə Osayi-Samuel qeyd edib.
## “Fenerbahçe Mənim Üçün Öyrənmə Prosesi Oldu”
Bright Osayi-Samuel, Fenerbahçe dövrünün onun üçün bir öyrənmə təcrübəsi olduğunu ifadə edərək, “Dörd il ərzində Fenerbahçedə oynadım və klub mənə çox şey verdi. Buna görə də ora getmək niyyətində deyildim. Daha sonra atamın çox pul istədiyi barədə xəbərlər yaydılar. Bu, tamamilə Türkiyə üslubunda bir uydurmadır. Həqiqət budur ki, Birminghamdan təklif gələndə getmək istədim,” deyə əlavə edib.
Mourinyonun onun üçün əla bir məşqçi olduğunu bildirən Osayi-Samuel, “O, oyunlardan əvvəl bizə ailəsi və digər məsələlər haqqında bir çox hekayə danışırdı. Yalnız futbol deyil, futbol xaricində necə olduğunuzu da bilmək istəyirdi. Mənim üçün yaxşı bir məşqçi idi, onunla birlikdə olmaqdan zövq alırdım. Fenerbahçe dövrü, yaxşısı və pisi ilə bir təcrübə idi. Çempion olsaydıq, çox daha gözəl olardı, amma mənim üçün böyük bir öyrənmə prosesi idi. Türkiyəyə uşaqkən getdim, oradan yetkin bir insan kimi qayıtdım. Derbilər çox gərgin idi. Burada böyük matçlar oynasaq, o təzyiqlə necə başa çıxacağımı bilirəm,” deyə fikirlərini bölüşüb.
24 saat
