Anlaşmaya əsasən Turkcell, 5 il müddətində milli komandaların əsas sponsoru olmaqla yanaşı, Basketbol Gəlişim Mərkəzinin (BGM) də ad sponsoru olacaq. Sponsorluq müqaviləsi münasibətilə BGM-də keçirilən imza mərasimində Türkiyə Basketbol Federasiyasının (TBF) rəhbəri Hidayət Türkoğlu və idarə heyətinin üzvləri, Turkcell şirkətinin baş direktoru Əli Taha Koç və dəvətlilər iştirak ediblər.
Türk basketbolu üçün tarixi əhəmiyyət kəsb edən əməkdaşlıq
İmza mərasimində çıxış edən Hidayət Türkoğlu, Turkcell ilə türk basketbolu üçün tarixi bir əməkdaşlığa imza atdıqlarını bildirib. O, bu əməkdaşlığın həm türk basketbolunun gələcəyinə, həm də İstanbulun sosial və mədəni həyatına böyük töhfələr verəcəyini vurğulayıb. Həmçinin, türk basketbolunu ən müasir imkanlarla təmin etmək üçün çalışdıqlarını qeyd edib. Bu baxımdan, ötən il açılışı olan Basketbol Gəlişim Mərkəzinin (BGM) ən bariz nümunələrdən biri olduğunu vurğulayıb. Klubların Avropanın ən nüfuzlu matçlarını burada oynadığını, minlərlə gəncin xəyallarına çatmaq üçün burada çalışdığını bildirib. Bu mərkəzin bir parçası olan Basketbol Liseyinin isə ayrıca qürur mənbəyi olduğunu qeyd edib. Burada gənclərin həm keyfiyyətli təhsil aldığını, həm də peşəkar basketbol infrastrukturunda yetişdiyini vurğulayıb. Bu böyük vizyonun reallaşmasında ən əhəmiyyətli dəstəkçilərindən olan Türkiyə prezidentinə və layihəni ilk gündən bəri yaxından izləyən və hər mərhələdə yanlarında olan Gənclik və İdman nazirinə təşəkkür edib.
BGM İstanbulun görüşmə nöqtəsi olacaq
Sədr Türkoğlu, Basketbol Gəlişim Mərkəzini idman qurğusu olmaqla yanaşı, sosial və mədəni tədbirlərə də ev sahibliyi edəcək bir yaşam mərkəzinə çevirəcəklərini bildirib. BGM-nin İstanbulun görüşmə nöqtəsi olacağını vurğulayan Hidayət Türkoğlu, bu mərkəzi sadəcə idman qurğusu olmaqdan çıxarıb bir yaşam mərkəzinə çevirdiklərini qeyd edib. O, BGM-nin İstanbulun sosial və mədəni həyatına böyük töhfələr verəcəyini bildirib. Turkcell-in illərdir idmana, mədəniyyətə və sənətə dəstək verdiyini, indi də milli komandaların əsas sponsoru və Basketbol Gəlişim Mərkəzinin ad sponsoru olaraq yanlarında olduğunu vurğulayıb. Bu dəstəyin sadəcə bir ad sponsorluğu olmadığını, türk basketbolunun infrastrukturuna, bazasına və mədəni inkişafına uzunmüddətli bir sərmayə olduğunu qeyd edib. Turkcell Basketbol Gəlişim Mərkəzinin sadəcə basketbol deyil, sosial tədbirlərlə də zəngin olacağını, gənclərin, ailələrin və azarkeşlərin burada idmanı və sənəti bir arada yaşayacağını bildirib. Bu əməkdaşlığın reallaşmasında böyük töhfələr verən Şenol Kazancı və Əli Taha Koça təşəkkür edib. Bu tarixi anlaşmanın türk basketboluna və Turkcell-ə xeyirli olmasını diləyib.
24 saat
