İbrahim Tatlısesin Qızı Dilan Çıtak Yenidən Gündəmdə: Atası İlə Küsülülük Və Son Video İddiaları
Müğənni İbrahim Tatlısesin 23 il sonra qəbul etdiyi qızı Dilan Çıtakın atası ilə münasibətləri ötən il pisləşmişdi. Dilan Çıtak sosial media hesabında atasının ona psixoloji şiddət göstərdiyini iddia edərək, “Bir qız uşağına qarşı tətbiq edilən şiddəti, psixoloji təzyiqi, psixoloji təqibi hər kəs bilməli və görməlidir” ifadələrini işlətmişdi. İbrahim Tatlıses isə bu iddialara cavab olaraq, “Övladlarımdan razıyam, biri istisna olmaqla. Mənə nə etdisə, eynisini övladları onlara versin. Kim pulumu oğurlayır, mənə pislik edirsə, cəzasını tapar. Mən heç nədən başlayaraq, böyük zəhmətlə bu günlərə gəldim” demişdi.
Videodakı Şəxs Mən Deyiləm!
Atası ilə küsülü qalan Dilan Çıtak indi isə tamamilə fərqli bir mövzu ilə gündəmə gəlib. Instagram-da yayılan bir video ilə vəziyyət qəfildən gərginləşib. Mega Mag adlı hesab tərəfindən “Dilan Çıtak gey barda rəqs edərkən görüntüləndi” başlığı ilə edilən paylaşım qısa müddətdə müzakirələrə səbəb olub. Video sürətlə yayılıb və Dilan Çıtak dərhal açıqlama verərək həmin qadının o olmadığını bildirib, gələn şərhlərə kəskin reaksiya verib.
“Cəhalət Yoluxucudur”
İddiaları “yalan xəbər” kimi qiymətləndirən Dilan Çıtak bu ifadələri işlədib: “Bu ölkədə linç etmək bir refleks, cəhalət isə yoluxucudur. Nəyin nə olduğunu anlamadan hücum etmək üçün hazır dayanan bir qrup… Sizi tanıyıram; vaxtilə anlamadan “pis qız” elan edənlər də siz idiniz. Çünki bu ölkədə doğru olmaq əhəmiyyətli deyil, sadəcə hədəf olmaq kifayətdir.” Dilan Çıtak daha sonra videodakı gənc qızın ona göndərdiyi mesajı ictimaiyyətlə bölüşüb. Qəzəbi soyumayan Dilan Çıtak ardınca açıqlama verdiyi videoları da yayımlayıb. Bütün bu hadisələr ictimaiyyət tərəfindən böyük maraqla izlənilir.
