May ayında baş verən ürək krizindən sonra Nazan Öncel yenidən xəstəxanaya yerləşdirildi
‘Gidelim Buralardan’, ‘Sokak Kızı’, ‘Erkekler de Yanar’ kimi sevilən mahnıları ilə tanınan sənətçi Nazan Öncel may ayında keçirdiyi ürək krizi nəticəsində xəstəxanaya aparılmışdı. Angioqrafiya əməliyyatından sonra ona iki stent yerləşdirilmiş və sənətçi evə buraxılmışdı.
Lakin müğənni ötən günlərdə bir daha ürək krizi keçirmişdi. Nazan Öncel, xəstəxana otağından paylaşdığı foto ilə bağlılıqla “Mən bu ürək üçün daha nə edim? Nə istədisə etdim; yeridi dedi yeridim, pəhriz et dedi etdim, bol su iç dedi içdim, stent dedi eyvallah dedim; olmayınca olmurmuş demək ki, indi dua edin” sözlərini qeyd etmişdi.
“Həyata daha bir qol vurduq”
Məşhur sənətçi Nazan Öncel bir gün əvvəl Instagram hesabı üzərindən pərəstişkarlarına bu mesajı göndərmişdi: “Həyata rovajata, əzrailə bir öpüş daha, buralardan getmə dediniz, sizimi qıracağam? Harada qalmışdıq…”
Nazan Önceldən bu gün də diqqət çəkən bir paylaşım gəldi. Sitem dolu sözlərlə Öncel belə bildirib:
“Təşəkkür və minnətdarlıq məktubumdur. Şənbə günündən bəri bütün səmimiyyəti ilə keçmiş olsun diləklərini çatdıran, çiçək göndərən, əlimi tutan, şərtlərsiz başucumda səhərləyən, ‘Qətiyyən etmə, Nazan’ deyən hər kəsə minlərlə təşəkkür edirəm.”
“Bir də həyatında sadəcə bir cümlədən ibarət olduğumu bu müddətdə hiss etdirən, ‘Dualarımdasan, Nazom’ deyərək xəyal qırıqlığı yaradanlara, bura iki kəlmə yazmayacaq qədər eqosunu bəsləyənlərə təşəkkür etməsəm olmaz. Görəsən kimlər üçün yormuşuq bu ürəyi…”
“Amma səmimiyyətin iki tərəfli olduğunu bildiyimdən bu soyuq gerçəkliklə qarşılaşmaq da insana çox şey öyrədir. Sitem etməyi heç sevmirəm. Çünki sitem dediyimiz şey kiməsə incəliklə həddini bildirmək kimi gəlir mənə. Nə isə, hər şərdə bir xeyir var deyib keçək. Dostlar sağ olsun.”
“Çox şükür, həyata daha bir qol vurduq. Bunun dözülməz yüngüllüyü ilə hamınıza ən dərin hörmət və sevgilərimi çatdırıram.”