Yeni transfer Uğurcan Çakır “Qalatasaray”da
“Qalatasaray”ın yeni transferi Uğurcan Çakır komandaya qoşulmaqdan məmnunluğunu ifadə edib. O, “Qalatasaray” forması altında UEFA Çempionlar Liqasında çıxış etməklə arzusunu gerçəkləşdirmək istədiyini bildirib.
Uğurcan Çakır: “Taraftarları sevindirmək üçün gəldim”
Milli qolkiper klubun rəsmi “YouTube” kanalına açıqlamasında “Qalatasaray”a transfer olmaqdan duyduğu sevinci bölüşüb. “Qalatasaray”a layiq futbol sərgiləmək və azarkeşləri sevindirmək üçün buraya gəldiyini vurğulayan Uğurcan Çakır uğurlu olacağına inandığını deyib. O, daxili oyunlarda azarkeşlərin verdiyi güclü dəstəyin əhəmiyyətini qeyd edərək, bu dəstəyi hiss edəcəyi üçün çox xoşbəxt olduğunu və onların etimadını doğrultmağa çalışacağını bildirib. Qolkiper, böyük uğurlara imza atmaqda komandasına kömək edəcəyinə ümid etdiyini də əlavə edib.
Çempionlar Liqası arzusu
UEFA Çempionlar Liqasında oynamağın özəl bir hiss olduğunu vurğulayan Uğurcan Çakır bu turnirdə çıxış etməyin hər bir futbolçunun xəyalı olduğunu qeyd edib. Onun sözlərinə görə, Çempionlar Liqasında “Qalatasaray”ı ən yaxşı şəkildə təmsil etmək üçün əlindən gələni edəcək. Uğurcan Çakır bu komandada olduğu üçün çox xoşbəxt olduğunu, son damlasına qədər “Qalatasaray” üçün mübarizə aparacağını və böyük uğurlara nail olmaqda köməkçi olacağını bildirib.
Trabzonspora vida
Uğurcan Çakır sosial media platformasında paylaşım edərək əvvəlki klubu “Trabzonspor”a vida mesajı ünvanlayıb. O, “Trabzonsporlu Uğurcan” kimi bu komanda üçün ürəyini ortaya qoyduğunu, ən yaxşısını vermək üçün mübarizə apardığını, “Trabzonspor”da böyüdüyünü, öyrəndiyini və yetişdiyini qeyd edib. Birlikdə kuboklar qazandıqlarını, çempionluq sevinci yaşadıqlarını xatırladan Uğurcan Çakır bu klubda keçirdiyi hər anın ömrünün ən dəyərli xatirələri arasında qalacağını vurğulayıb. O, karyerasında yeni bir səhifə açdığını, bu yolda duaların və dəstəyin onunla olacağına ümid etdiyini bildirərək, indiyə qədər yanında olan hər kəsə ürəkdən təşəkkür edib.
