Birinci Liqa təmsilçilərindən Sivassporda 17 il forma geyinən Ziya Erdal komandadan ayrılıb. O, Sivassporun əsas komandasında 15, PAF (peşəkar əvəzedici futbolçular) komandasında isə 2 il çıxış edib.
Futbolçu yaydığı vida mesajında duyğularını bölüşüb.
Ziya Erdalın Duyğusal Vida Mesajı
“On beş il əsas komanda, iki il PAF komandası… Ümumilikdə on yeddi il çörəyini yediyim, formasını tərini tökdüyüm yuvama vida vaxtı çatıb. Bu uzun səyahətdə birlikdə addımladığım dəyərli prezidentlərimə, klub rəhbərliyinə, qiymətli məşqçilərimə və texniki heyətlərinə, komanda yoldaşlarıma, klub əməkdaşlarına və hər zaman yanımda olan; mənim üçün yeri apayrı olan böyük Sivasspor azarkeşlərinə ürəkdən təşəkkür edirəm.
Bu uzun macəraya dörd dəfə UEFA Avropa Kubokunda iştirak etməyin qürurunu, bir Türkiyə Kuboku çempionluğunu, bir TFF 1. Liqa çempionluğunu və bir PAF Liqası çempionluğunu sığdırdım. Hər anında bu formanı qürurla, şərəflə daşıdım. Əlbəttə ki, könül istəyərdi ki, bu vidanı daha gözəl bir tabloda edim. Bir aşağı liqaya düşmək içimi göynədir. Amma inanıram ki, Sivasspor yenidən ayağa qalxacaq və Super Liqaya qayıdacaq. Çünki bu komandanın arxasında sarsılmaz bir şəhər və usanmayan bir azarkeş kütləsi var.
Yiğidolular, Sivassporun əsl gücü, həvəsi və ruhu sizsiniz. Hər çətin anda, hər ümid işığında, meydandakı yorğun bədənləri yenidən ayağa qaldıran siz oldunuz. Sizlər sadəcə bir azarkeş topluluğu deyil, bu böyük ailənin ən güclü dirəklərisiniz. Mənim üçün ən böyük zənginlik; arxada qırıq bir qəlb qoymadan, sevgiylə xatırlanmaqdır… Haqqınızı halal edin, məndən yana da halal olsun. Sevginiz, dualarınız və dostluğunuz həmişə qəlbimdə olacaq. Bu qəlb Sivasspor deyə döyünməyə davam edəcək.”
Futbolçudan Rəhbərliyə Sitem
Ziya Erdal sözlərinə son verərkən Sivasspor rəhbərliyinə adeta sitem etdi və bildirdi: “Sözlərimə son verərkən; adı “Vəfa Mövsümü” olan bir ildə, on yeddi il ərzində bu emblema üçün tər tökən futbolçularına bir təşəkkürü belə çox görüb, vəfasızlıq edənləri siz şanlı Yiğidoluların ixtiyarına buraxıram. Ancaq sevgimiz, sədaqətimiz və əməyimiz heç vaxt bir təşəkkürlə ölçülmədi, ölçülməyəcək də. Mən ürəyimdə hər zaman Sivasspora və bu gözəl şəhərə bağlı qalacağam. Allaha əmanət olun. Sevgi və hörmətlərimlə.”