Aktrisa Bahar Şahindən Şok Mobbinq İddiası
Türkiyənin tanınmış aktrisası Bahar Şahin, 2019-cu ildə yayımlanan ‘Zalim İstanbul’ televiziya layihəsinin çəkilişləri zamanı bir həmkarı tərəfindən 25 həftə ərzində təzyiqlərə məruz qaldığını açıqlayıb. Şahinin bu etirafı ictimaiyyətdə geniş rezonans doğurub.
Sağlamlığını Təhdid Edən Psixoloji Təzyiqlər
Qarşılaşdığı çətinliklər səbəbindən aktyorluq karyerasına bir müddət fasilə verdiyini bildirən aktrisa, yaşadığı travmatik anları belə dilə gətirib: “Mənə ‘kasıb’ deyirdi. Üzərimə yeridi, qorxudan tir-tir əsdim. Heç kim mənim yanımda durmadı, ‘kiçiksən, döz’ deyirdilər. Zona xəstəliyinə tutuldum, psixoloji müalicə aldım. Gəncliyimin ən gözəl illəri məhv oldu.”
Mine Tuğaydan İddialara Cavab
Bahar Şahinin açıqlamalarından sonra sosial şəbəkələrdə bu hərəkətləri törədən aktrisanın Mine Tuğay olduğu iddia edilib. Bu iddialara cavab olaraq Tuğay, öz sosial media hesabında belə bir bəyanat yayımlayıb: “Məni tanıyan hər kəs bilir ki, heç xoşuma gəlməyən bir üslub və cümlələr söyləməkdə ittiham edilmişəm. Dostlarım mənə atılan iftiraları danışanda açığı kədərləndim. Çünki gerçəkləri dəqiq xatırlasam da, heç vaxt demədiyim şeylərlə ittiham olunmağı bir qədər hörmətsizcə və hədəf göstərmək məqsədi güdən addım hesab etdim. Təbii ki, bunun xoşniyyətli olduğunu düşünmürəm. Mən yenə də hər kəsə yaxşılıq arzulayıram. Səssiz qalmağımı istəməmisiniz, heç kimi incitmədən, kədərləndirmədən ilk və son dəfə bunu yazmaq istədim. Sevgilərlə.”
Rəsmi Xəbərdarlıq Sənədi Açıqlandı
Mine Tuğayın iddiaları təkzib etməsindən sonra Bahar Şahin də susmayıb. Aktrisa İnstaqram hesabında 2019-cu ildə çəkilişlərinə qatıldığı sözügedən serialın setində qarşılaşdığı zorakılıqlar barədə 2022-ci ildə hazırlatdığı rəsmi xəbərdarlığı ictimailəşdirib. Şahin bu addımı ilə bağlı qeyd edib: “Bu rəsmi xəbərdarlıq 2022-ci ilə aiddir və bir nüsxəsi istehsalçı şirkətə göndərilib. Bu, özümü və sağlamlığımı qorumaq üçün atılmış bir addımdır. Başqa deyəcək heç bir sözüm yoxdur, təşəkkür edirəm.”
