Dünya Superbike Çempionatında Toprak Razgatlıoğlu Zəfəri
Türkiyəli motosikletçi Toprak Razgatlıoğlu Dünya Superbike Çempionatında (WSBK) ardıcıl 2-ci, ümumilikdə isə 3-cü dəfə çempion adını qazanıb.
Yarışa 10-cu sıradan başlayan Toprak Razgatlıoğlu finişi 3-cü sırada tamamlayaraq, ümumi klasifikasiyada 616 xalla 1-ci yeri tutub və Superbike karyerasında üçüncü dünya çempionluğunu rəsmiləşdirib.
Gələcək Mövsüm MotoGP-də
Milli idmançımız gələn mövsümdən etibarən motosiklet yarışlarının ən nüfuzlu çempionatı olan MotoGP-də mübarizə aparacaq. Toprak Razgatlıoğlu bu seriyada yarışan ilk türk idmançı olaraq da tarixə düşəcək. Prima Pramac Racing ilə razılığa gələn Toprak, Yamaha-nın fabrik dəstəkli motoru ilə yarışlara qatılacaq.
7 Yaşından Motosiklet Sürməyə Başlayıb
Türkiyə Motosiklet Federasiyası Milli Komandalarının kapitanı Kenan Sofuoğlu-nun rəhbərliyi altında Dünya Superbike Çempionatı karyerasını davam etdirən 28 yaşlı Toprak, 7 yaşından bəri motosiklet sürür. Superbike-da ilk dünya çempionluğunu Pata Yamaha ilə 2021-ci ildə qazanan Toprak, türk motor idmanı tarixində Kenan Sofuoğlu-nun Dünya Supersport Çempionatındakı 5 çempionluğundan sonra Dünya Superbike Çempionatında bu uğura çatan ilk türk motosikletçi olub və ingilis yarışçı Jonathan Rea-nın 6 illik çempionluq seriyasına son qoyub.
Yamaha-ya ən çox yarış qazandıran pilot ünvanını qazandıran Toprak, ikinci dünya çempionluğuna isə 2024-cü ildə ROKiT BMW Motorrad komandası ilə nail olub və BMW-yə də tarixindəki ilk Superbike çempionluğunu gətirib.
2025-ci ildə də dünya çempionu olan Toprak Razgatlıoğlu, BMW-yə də ikinci pilotlar çempionluğunu qazandırıb.
Leave a Reply