ABŞ Prezidenti Donald Tramp Vaşinqtondakı Ağ Evdə çıxış edib.
ABŞ-ın kartellərə və insan qaçaqçılığına qarşı apardığı siyasəti elan edən o, Venesuela ilə bağlı narahatlığını dilə gətirərək, “Yaxın zamanda bu ölkədə bir quru əməliyyatının şahidi olacağıq” deyib.
Ötən gün etdiyi açıqlamada da Prezident dəniz yolu ilə həyata keçirilən narkotik qaçaqçılığının qarşısının alındığını bildirmiş, Cənubi Amerika ölkəsinin daxili bölgələrinə də hücumlar təşkil ediləcəyinin siqnalını vermişdi.
Venesuelaya Yönəlik Hədəflər Təyin Edilib
Bəzi iddialara görə, ABŞ Prezidenti Donald Tramp Cənubi Amerika ölkəsi ərazisindəki narkotik kartellərinin obyektlərinə qarşı hücum qərarı verib və bu hədəflər artıq müəyyən edilib.
Bu çərçivədə ABŞ Hərbi Hava Qüvvələrinə məxsus iki B-1 strateji bombardmançı təyyarəsinin Karib dənizində “güc nümayişi” etdiyi də irəli sürülüb.
Lakin ağ evin rəhbəri ABŞ-ın adı çəkilən ölkənin sahillərinə B-1 bombardmançı təyyarələri göndərdiyi iddialarını təkzib edib.
Financial Times-ın ABŞ Dənizçilik İnstitutuna (US Naval Institute) istinadən yaydığı xəbərə görə isə ABŞ hərbi gəmilərinin 8%-i hazırda Karib dənizi bölgəsində cəmləşib.
İordan Çayının Qərb Sahili Barədə Açıqlama
ABŞ Prezidenti Ağ Evdəki çıxışında İsrailin İordan çayının qərb sahili ilə bağlı heç bir addım atmayacağını da qeyd edib.
Xatırladaq ki, İsrail Parlamenti əvvəllər bu ərazinin ilhaqına yönəlmiş bir qanun layihəsini qəbul etmişdi.
Leave a Reply