2026 Dünya Kuboku qrup püşkü keçiriləcək

2026 Dünya Çempionatının Qrup Püşkatma Mərasimi

ABŞ, Kanada və Meksikanın birgə ev sahibliyi edəcəyi 2026 FİFA Dünya Kubokunun qrup püşkatma mərasimi sabah keçiriləcək. Mərasim, ABŞ-ın paytaxtı Vaşinqtonda Bakı vaxtı ilə saat 20:00-da başlayacaq.

Pley-off mərhələsində mübarizə aparacaq Türkiyə milli futbol komandasının FİFA 2026 Dünya Kubokuna vəsiqə qazanması halında, rəqibləri də bu püşkatma mərasimindən sonra bəlli olacaq.

Dünya Çempionatı Biletlərinə Yüksək Tələbat

ABŞ, Kanada və Meksikanın ev sahibliyi ilə keçiriləcək 2026 FİFA Dünya Çempionatı üçün indiyədək təxminən 2 milyon bilet satılıb.

Oyunların keçiriləcəyi stadionlar və başlama saatları isə, püşkatma mərasimindən sonra şənbə günü açıqlanacaq.

İlk dəfə 48 ölkənin qatılacağı Dünya Çempionatına indiyədək 42 ölkə vəsiqə qazanıb.

Çempionatda iştirakı təmin olunmuş və püşkatma mərasimində iştirak edəcək ölkələr aşağıdakılardır:

Kanada, Meksika, ABŞ, Avstraliya, İran, Yaponiya, İordaniya, Cənubi Koreya, Qətər, Səudiyyə Ərəbistanı, Özbəkistan, Əlcəzair, Yaşıl Burun Adaları, Fil Dişi Sahili, Misir, Qana, Mərakeş, Seneqal, Cənubi Afrika, Tunis, Kurasao, Haiti, Panama, Argentina, Braziliya, Kolumbiya, Ekvador, Paraqvay, Uruqvay, Yeni Zelandiya, Avstriya, Belçika, Xorvatiya, İngiltərə, Fransa, Almaniya, Hollandiya, Norveç, Portuqaliya, Şotlandiya, İspaniya, İsveçrə

Turnirdə iştirak hüququ qazanacaq son 6 ölkənin 4-ü Avropa seçmə pley-off mərhələsindən, 2-si isə qitələrarası pley-off mərhələsindən gələcək.

Pley-offda mübarizə aparacaq Türkiyə milli futbol komandası, pley-off yarımfinalında Rumıniya ilə qarşılaşacaq. Tək oyunluq eliminasiya sistemi ilə keçiriləcək mərhələdə türklər, evində Rumıniyanı məğlub etməsi halında turnirə qatılmaq üçün finalda Slovakiya-Kosovo cütünün qalibi ilə səfərdə qarşılaşacaq. Yarımfinal oyunları 26 mart 2026-cı il, final qarşılaşmaları isə 31 mart 2026-cı ildə oynanılacaq.

Türkiyə, pley-off mərhələsini keçərsə Dünya Çempionatında 4-cü səbətdə yer alacaq.

Ev sahibi Kanada, Meksika və ABŞ 1-ci səbətdə yer alarkən, qalan 39 ölkə ölkə reytinqinə görə hər biri 12 komandadan ibarət dörd səbətə bölünüb.

FİFA reytinqinə görə yarımfinallarda iki ayrı yol müəyyənləşdirilərkən ilk sıradakı komanda (İspaniya) və ikinci sıradakı komanda (Argentina) ilə üçüncü (Fransa) və dördüncü (İngiltərə) komandaların finaldan əvvəl qarşılaşmaması təmin ediləcək.

Heç bir qrupa eyni konfederasiyadan birdən çox komanda daxil edilməyəcək. Bu vəziyyət, 16 komanda ilə təmsil olunan UEFA istisna olmaqla bütün konfederasiyalar üçün keçərli olacaq. Hər qrupda ən az bir, ən çox iki UEFA komandası yer alacaq.

11 iyun-19 iyul 2026-cı il tarixlərində keçiriləcək turnirdə səbətlər aşağıdakı kimi formalaşıb:

Birinci səbət:

Kanada, Meksika, ABŞ, İspaniya, Argentina, Fransa, İngiltərə, Braziliya, Portuqaliya, Hollandiya, Belçika, Almaniya

İkinci Səbət:

Xorvatiya, Mərakeş, Kolumbiya, Uruqvay, İsveçrə, Yaponiya, Seneqal, İran, Cənubi Koreya, Ekvador, Avstriya, Avstraliya

Üçüncü səbət:

Norveç, Panama, Misir, Əlcəzair, Şotlandiya, Paraqvay, Tunis, Fil Dişi Sahili, Özbəkistan, Qətər, Səudiyyə Ərəbistanı, Cənubi Afrika

Dördüncü səbət:

İordaniya, Yaşıl Burun Adaları, Qana, Kurasao, Haiti, Yeni Zelandiya, Avropa Pley-Off A (İtaliya-Şimali İrlandiya / Uels-Bosniya Herseqovina), Avropa Pley-Off B (Ukrayna-İsveç / Polşa-Albaniya), Avropa Pley-Off C (Türkiyə-Rumıniya / Slovakiya-Kosovo) və Avropa Pley-Off D (Danimarka-Şimali Makedoniya / Çexiya-İrlandiya Respublikası), FİFA Qitələrarası Pley-Off Turniri 1 (Yeni Kaledoniya-Yamayka / Demokratik Konqo) və FİFA Qitələrarası Pley-Off Turniri 2 (Boliviya-Surinam / İraq)

24 saat