26 milyon illik balina tapıldı

2019-cu ildə Avstraliya sahillərində gəzinti zamanı bir şəxs tərəfindən aşkar edilən balina fosili, onun elmi əhəmiyyətini dərk edən həmin şəxs tərəfindən Viktoriya Muzeyinə bağışlanıb.

Kəskin Dişlərə Sahib Qədim Növ

Aparılan araşdırmalar nəticəsində "Janjucetus dullardi" adı verilən bu növün müasir dişsiz balina növlərindən fərqli olaraq kəskin dişlərə malik, yırtıcı bir dəniz məməlisi olduğu müəyyən edilib.

Təxminən 2 metr uzunluğunda olduğu üçün cavan olduğu güman edilən fosil nümunəsi, indiyə qədər tapılmış nəsli kəsilmiş balina fəsiləsinə aid ən yaxşı qorunmuş nümunələrdən biridir. Onun kəllə sümüyünün bəzi hissələri, qulaq sümükləri və dişləri dövrümüzə qədər gəlib çatmışdır.

26 Milyon İl Əvvəlki Yırtıcı

Tədqiqat göstərir ki, bu balina növü təxminən 26 milyon il əvvəl yaşamışdır.

Viktoriya Muzeyi Araşdırma İnstitutunun və Monaş Universitetinin əməkdaşı Ruairidh Duncan, bu kiçik fosil haqqında belə deyib: "Bu kiçik balina böyük gözlərə və kəskin dişlərlə dolu ağıza sahib idi. Onu bir növ köpək balığı kimi düşünə bilərsiniz. Kiçik və sevimli görünsə də, qətiyyən zərərsiz deyildi."

Araşdırmanın nəticələri "Zoological Journal of the Linnean Society" jurnalında dərc olunub.

24 saat