31 yaşında körpə doğuldu

Dondurulmuş Embriyodan Tarixi Körpə Doğuldu

ABŞ-ın Ohayo ştatında 26 iyul 2025-ci ildə dünyaya gələn Thaddeus Daniel Pierce adlı körpə, 31 il əvvəl dondurulmuş bir embriyodan doğularaq “dünyanın ən yaşlı embriyosundan doğulan körpə” titulunu qazandı.

Embriyo Dondurulanda Valideynləri Uşaq İdi

Lindsey və Tim Pierce cütlüyü 2024-cü ilin noyabr ayında, 1994-cü ildə dondurulmuş bir embriyonu transfer etdirdi. O dövrdə embriyonu donduran, uşaq sahibi olmaq arzusunda olan Linda Archerd idi. Cütlüyün illər sonra övladlığa götürməyə qərar verdiyi bu embriyo transfer edildiyi vaxt Lindsey və Tim hələ ibtidai məktəbə başlamamışdılar.

Cütlük uzun illərdir ki, övlad sahibi olmaq üçün mübarizə aparırdı. Onlar daha əvvəl dondurulmuş embriyoların transferini təmin edən xüsusi bir proqrama müraciət edərək bu unikal fürsəti əldə etdilər. Ana Lindsey Pierce hisslərini bölüşərkən dedi: “Biz rekord qıracağımızı düşünmürdük. Tək istəyimiz bir övlad idi.”

Körpənin 30 Yaşlı Bacısı Var

Embriyo, 90-cı illərdə invitro mayalanma müalicəsi ilə hamilə qalan Linda Archerd tərəfindən dondurulmuş dörd embriyodan biri idi. Müalicə nəticəsində bir qız övladı sahibi olan Linda, digər embriyoları dondurmuş və daha sonra bağışlamışdı. Hal-hazırda 62 yaşı olan Lindanın 30 yaşlı qızının da övladı var.

Pierce cütlüyünün müraciət etdiyi proqram, adətən uzun illər anbarda saxlanılmış və transferi daha riskli sayılan embriyoları qiymətləndirməyi hədəfləyir. Bu proqram sayəsində milyonlarla “istifadə olunmayan” embriyodan biri, sağlam bir doğuşla həyata qədəm qoydu.

MIT Technology Review-a verdiyi açıqlamada Lindsey Pierce bildirdi: “Doğuş çətin oldu, lakin ikimiz də sağlamıq. Bu möcüzəyə hələ də inana bilmirəm.”

"Sürreal Bir Təcrübə Yaşadıq"

Embriyonu bağışlayan Linda Archerd isə bu prosesi “emosional və inanılmaz” olaraq xarakterizə etdi. “Bu embriyonun 31 il sonra dünyaya gəlməsi mənə möcüzə kimi görünür”, – deyən Linda, baş verənlərin həm elmi, həm də emosional baxımdan çox xüsusi olduğunu vurğuladı.

Doğuşun reallaşdığı klinika, illərdir anbarlarda qalan embriyoların istifadə edilməsini təmin edərək ailələrə övlad sahibi olma fürsəti tanıyır. Klinikanın direktoru və endokrinoloq doktor John Gordon açıqlamasında deyib: “Bu cür hallar yalnız uğur hekayələri deyil, eyni zamanda etik və emosional cəhətdən dərin mənalar daşıyır.”

24 saat