89% səslə seçilən başqan tənqidlər sonrası istefa etdi

Altheim bələdiyyə başqanı vəzifəsindən istefa verdi

Almaniyanın Baden-Vürtemberq əyalətinə bağlı, təxminən 2 min nəfər əhalisi olan Altheim qəsəbəsinin 31 yaşlı bələdiyyə başqanı Selina Holl vəzifəsindən ayrıldığını açıqlayıb. İki il əvvəl səslərin 89 faizini qazanaraq bu posta seçilən Holl, istefa qərarını "daimi şikayətlər, bitməyən tənqidlər, mənə və komandama qarşı inamsızlıq" səbəbiylə aldığını bildirib.

Daimi Tənqidlər və Şəxsi Prioritetlər

"İş performansımıza dair davamlı təkrarlanan şikayətlər iş axışını ciddi şəkildə çətinləşdirirdi" deyən Holl, hazırda prioritetinin ailəsi və sağlamlığı olduğunu vurğulayıb. O, "Övladlarımın və öz sağlamlığımın rifahı hər şeydən öndə gəlir. Bu vəzifəni artıq davam etdirə bilmərəm" ifadələrini işlədib.

Fədakarlıq və Peşəyə Sevgi

İki uşaq anası Holl, doğuş məzuniyyətində və hətta doğuşdan sonra xəstəxanada belə vəzifəsini tərk etmədiyini xatırladıb. "Həmişə tam fədakarlıqla işlədim, lakin buna baxmayaraq narazılıq davam etdi" deyən keçmiş bələdiyyə başqanı, 15 yaşından bəri bələdiyyə idarəçiliyi sahəsində fəaliyyət göstərdiyini bildirib. O, idarəçiliyə olan ehtirasını belə izah edib: "Mən idarəçiliyi yaşayıram, bunun üçün yanıp-yaxılıram. Bələdiyyə başqanı kimi keçirdiyim hər saniyəni çox sevdim. Vəzifəni tərk etmək mənim üçün çox çətin oldu."

24 saat