Abbosbek Fayzullayevin transferinə müharibə maneəsi

UEFA Konfrans Liqasının 3-cü təsnifat mərhələsinin cavab görüşündə Norveçin "Vikinq" komandası ilə 1-1 hesablı bərabərə qalaraq pley-off mərhələsinə yüksələn İstanbul Başakşehir-də baş məşqçi Çağdaş Atan, turu keçdikləri üçün xoşbəxt olduqlarını bildirib.

Çağdaş Atanın oyun sonrası fikirləri

Oyunun ardından təşkil edilən mətbuat konfransında danışan Atan, "Çox xoşbəxtik. Çox çətin bir qarşılaşma idi. Hər kəs də bunun fərqində idi. Turun favorit komandasına qarşı turu keçdiyimiz üçün sevinirik. İlk 45 dəqiqəni mükəmməl planlayıb, əla tətbiq etdik. Bir neçə çox dəqiq qol şansı əldə etdik. Çox effektiv oynadıq. Çox yaxşı təzyiqlər etdik. Bir-birə qarşılaşmalarda rəqibə böyük problemlər yaratdıq və uzun toplarla oynamağa yönləndirdik. Çox bəxtsiz və haqq etmədiyimiz bir qol buraxdıq. Qola tez reaksiya vermək dönüş nöqtəsi oldu. Soyunma otağından yaxşı qayıtmamaq bu gün məni ən çox narahat edən şey oldu. İlk hissədə əldə etdiyimiz üstünlük bizi ehtiyatlı oynamağa sövq etdi. Oyuna girənlər bizi canlı tutdu. Rəqibə dəqiq qol şansı vermədik. Qazanaraq bitirmək istərdik, amma belə güclü bir komandaya qarşı turu keçmək bizim üçün sevindiricidir. İndi Kayserispor matçına köklənəcəyik" deyə bildirib.

Rəqib "Universitatea Craiova" olacaq

Pley-off mərhələsində ilk oyununu qazanan Rumıniya komandası "Universitatea Craiova" ilə qarşılaşmağı gözlədiklərini söyləyən Atan, "Rumıniya komandası gələcək kimi görünür. Bizə də liqanın liderlərini çəkmək yaraşardı. Rumıniya komandası çox yaxşı komandadır. Çox gözəl atmosfer yaradırlar. Bizə də belə çətin bir qrup yaraşardı, amma heç nə asan deyil. Bunlarla mübarizə aparmağa alışmışıq. Bazar günkü oyundan sonra o matçı düşünəcəyik" ifadələrini işlədib.

Abbosbek Fayzullayevin transferi

Transferi gündəmdə olan Abbosbek Fayzullayevlə bağlı da qiymətləndirmə aparan Çağdaş Atan, "Hazırda müharibə vəziyyətinə görə, Rusiyaya tətbiq olunan embarqo vasitəsilə pul göndərə bilmirsiniz. Transfer haqqı ödəyəcək vəziyyətdəyik, amma bu səbəbdən fərqli prosedurlar ortaya çıxır. Klub prezidentimiz əlaqələrindən istifadə etməyə çalışır, bir şəkildə həll olunacaq. Oyunçu da, biz də səbirsizlənirik. Ən qısa zamanda həll olunacağını düşünürəm" şəklində açıqlama verib.

Eldor Şomurodovun gözlədiklərindən daha yaxşı bir oyunçu olduğunu qeyd edən Atan, "Hücum bölgəsinin üç sahəsində də oynaya bilən bir oyunçu. Çox istədiyimiz bir oyunçu idi, repertuarı gözlədiyimizdən genişdir. Top ayağındaykən bağlantı oyunu oynaması, ötürmə qabiliyyəti təsirli dərəcədədir. Öndə üç yaxşı oyunçumuz var" deyə əlavə edib.

24 saat