Rubio,
NATO Zirvəsi üçün Hollandiyanın Haaqa şəhərində olarkən Politico-ya verdiyi müsahibədə ABŞ-ın
İrandakı üç nüvə obyektinə endirdiyi zərbələr, Alyansın toplantısı və Rusiya-Ukrayna müharibəsi barədə dəyərləndirmələrini bölüşüb.
Rusiyanın İtkiləri və Danışıqlar Çağırışı
Bu ilin əvvəlindən 80 mindən çox Rusiya əsgərinin həlak olduğunu, Ukraynanın itkilərinin isə daha az olduğunu qeyd edən Rubio, "Bu konfliktin sona çatmasını istəyirik. Qanlı, dağıdıcı və mənasız bir müharibədir, lakin tərəflər hələ də irəliləyiş əldə etməyə istək göstərmirlər. Buna görə də danışıqlar çağırışlarımızı davam etdirəcəyik," deyib.
Rubio bəzi ölkələrin Rusiyaya qarşı daha sərt sanksiyalar tətbiq etməsi üçün ABŞ-a təzyiq göstərdiyinə diqqət çəkib: "Əgər hər kəsin istədiyi kimi Rusiyaya daha çox sanksiya tətbiq etsək, onları tamamilə çökdürsək, atəşkəs barədə onlarla danışmaq qabiliyyətimizi yəqin ki, itirəcəyik. O zaman onlarla kim danışacaq?"
İran Nüvə Obyektlərinə Zərbələr
ABŞ-ın
İrandakı üç nüvə obyektinə hücumundan sonra yaranan zərəri dəyərləndirən Rubio, "Yaxın zamanda o dağların içinə kimsəni göndərəcəyimizi düşünmürəm. (Zərər verildiyindən) Çox əmin olduğumuzu söyləmək kifayətdir," fikrini bildirib.
Rubio, Atom Enerjisi üzrə Beynəlxalq Agentliyin (AEBA) Baş direktorunun "İranın nüvə proqramında hücumdan əvvəl və sonrası arasında dramatik bir fərqin olduğu" barədəki sözlərini xatırladaraq, "Amma nəticədə burada ən əhəmiyyətli şey, bu gün bir həftə əvvəlkindən fərqli olaraq dünyanın arxasından sürətlə
nüvə silahları istehsal etmə və dünyanı təhdid etmə imkanlarının daha az olmasıdır," ifadəsini işlədib.
Peyk texnologiyaları sayəsində açıq mənbələrdən obyektlərə verilən zərərin görünə biləcəyinə diqqət çəkən Rubio, İsfahandakı təsisatın tamamilə dağıdıldığını, Natanzdakının isə ABŞ-dan əvvəl İsrailin hücumları ilə artıq ağır zərər gördüyünü, öz zərbələrindən sonra isə daha da pis vəziyyətə düşdüyünü qeyd edib.
Rubio, Fordodakı nüvə obyektinə gəldikdə, "Həqiqətən çətin olan Fordodur, çünki bir dağın altında, yerin təxminən 200-300 metr dərinliyində basdırılıb. Bu təsisata çox əhəmiyyətli, ciddi və qalıcı bir zərər verildiyinə heç bir şübhəmiz yoxdur. Daha çox məlumat əldə edəcəyik, lakin hazırda real zərər verildiyindən kifayət qədər əminik," dəyərləndirməsini aparıb.
İran-İsrail Atəşkəsi və Gərginlik
ABŞ prezidenti Donald Trampın bu ölkə ilə müharibə etmək istəmədiyini vurğulayan Rubio, zərbələrin məqsədinin gərginliyi artırmaq deyil, sakitləşdirmək olduğunu ifadə edib.
Rubio, "Bizi xəbərdar etdikdən sonra bazalarımızdan birinə hücum etdiklərini gördünüz. Heç nə olmadı. Prezident cavab vermədi. İki saat sonra atəşkəs əldə edildi və müharibə başa çatdı," deyib.
Bu ölkə ilə davam edən problemlərə diqqət çəkən Rubio, nüvə silahına sahib olmayacaqlarını, lakin sülh nüvə proqramının danışıq mövzusu ola biləcəyini dilə gətirib.
İsrail ilə
İran arasındakı atəşkəsə dair Rubio, "İsraillilər əvvəldən çatmaq istədikləri hədəflərin dəqiq siyahısını hazırlamışdılar və bu hədəfləri hərbi olaraq gerçəkləşdirdikdən sonra öz vəzifələrini tamamlamış oldular," dəyərləndirməsini edib.
Hindistan ilə Pakistan arasındakı atəşkəsə istinad edən Rubio, "Bu cür atəşkəslər edildikdə hər zaman bir neçə toqquşma olur. Bəlkə kiminsə saatı yanlış qurulmuşdu və bu səbəbdən vaxtı qaçırdı. Bu xüsusi vəziyyətdə təəssüf ki, faciəvi şəkildə son saatlarda İsraildə insanları öldürən bir hücum oldu, bu da vəziyyəti həqiqətən də pisləşdirdi," fikrini paylaşıb.
NATO Toplantısı və Müdafiə Xərcləri
Rubio, ABŞ prezidenti Donald Trampın ilk prezidentlik dövründə alyansın üzv ölkələrindən müdafiə xərclərini artırmasını istədiyi, lakin bunun həyata keçirilə bilmədiyi xatırladılıb.
Ölkələrin müdafiə əvəzinə sosial imkanlara pul xərcləməsini başa düşdüyünü bildirən Rubio, "ABŞ prezidenti Trampın ilk dövründə tətbiq etdiyi təzyiq və ardından Rusiya prezidenti Vladimir Putinin Avropanı işğal etməsi və müharibəyə başlaması,
NATO Alyansındakı demək olar ki, bütün ölkələrin, təəssüf ki, İspaniya istisna olmaqla, yüzdə 2 hədəfinə çatmağı öhdəlik götürməsinə səbəb oldu," ifadəsini işlədib.
Rubio, İspaniyanın
NATO Zirvəsində qəbul edilən qərar əsasında müdafiə xərclərini 2035-ci ilə qədər ümumi daxili məhsulunun (ÜDM) yüzdə 5-inə çatdırmaq öhdəliyinə əməl etməyəcəyini və yüzdə 2.1 səviyyəsində qalacağını açıqlamasına dair, "Bu, bir problem, yəni böyük bir problemdir. Daha az xərclə kifayətlənə biləcəklərini deyirlər, lakin İspaniya hazırda ciddi daxili siyasi problemlərlə üzləşir," dəyərləndirməsini aparıb.
İspaniyanın bu qərarının davamlı olduğunu düşünmədiyini və digər müttəfiqləri çox çətin vəziyyətə saldığını vurğulayan Rubio, "Buna görə də
NATO-nun hər kəs öhdəliklərini yerinə yetirərsə, daha güclü tərəfdaşlarla çox daha güclü bir Alyans olma şansı var," fikrini paylaşıb.
24 saat
