Aktyor Cemal Hünal, 5-6 il çalışdığı və daha sonra ayrıldığı “Dreamcast Agentlik” adlı firmanın adından istifadə edərək tələbə qəbulu apardığını və imzasını təqlid edərək saxta sertifikatlar verdiyini iddia edib.
Bu iddialarla bağlı Hünal, bu gün vəkili İyaz Çimen ilə birlikdə İstanbul Respublika Prokurorluğuna cinayət işi üzrə şikayət ərizəsi ilə müraciət edib.
“5-6 İL İŞLƏDİYİM AGENTLİKDƏN AYRILDIM”
Hünal şikayəti əsasında verdiyi ifadədə qeyd edib ki, əslində “Dreamcast Agentlik”lə 5-6 il əməkdaşlıq edib. O, sözlərini belə davam etdirib: “İki gün əvvəl tələbələrim mənə təşəkkür mesajları və sertifikat göndərərkən, adımın üzərində saxta imzalarla sənədlərin hazırlandığını öyrəndim. Sənədə təqdim etdiyimiz sertifikatın üzərindəki imza mənə aid deyil. Mən bu cür bir sənədi imzalamamışam. Agentliyin səlahiyyətli şəxsi Hakan Göçkünə aid mesajlaşma görüntülərini də sənədlərə əlavə etdik. Orada ‘müəllimlərin adından imza atmayın’ yazılır. Mən şikayət etdiyim firmaya iki həftədən bir təlim keçirdim. Bu təlim daha çox seminar xarakterli idi və ətraflı aktyorluq təhsili deyildi. Təxminimə görə, bu tipli onlarla sənəd hazırlanıb. Öz sosial media hesabımda açıqlama verəndə, tələbələrim əllərindəki saxta sənədləri mənə çatdırdıqları təqdirdə, mən də onların hamısını işə təqdim edəcəyəm. Adıma saxta imza atan Dreamcast Agentlik adlı firmanın səlahiyyətli şəxslərindən şikayətçiyəm.”
“TƏDBİR GÖRMƏYƏ MƏCBUR QALDIM”
Şikayətindən sonra İstanbul Məhkəməsinin qarşısında açıqlamalar verən Hünal belə deyib: “Bu gün burada olmaq məcburiyyətində qaldığım üçün çox üzgünəm. Təlim keçdiyim bir agentlik mənim adıma saxta imzalı təhsil sertifikatları paylayıb. Bu hadisəni tələbələrimdən İnstagram vasitəsilə mənə göndərdikləri təşəkkür mesajları ilə öyrənməyim çox təəssüfvericidir. Bu mənim üçün kədərli bir vəziyyətdir. Əlimdən gələni edərək tələbələrə faydalı olmağa çalışıram. Tələbələrin aldadılması açıqcası məni çox üzdü. Agentliyin tələbələri səhv məlumatlandırdığına görə orada təlim keçməyi dayandırmışdım. Aktyorluğa yeni başlayan insanlara bir saatlıq təlimlər verirdim. Agentlik bunu bu şəkildə satsa da, mən tələbələrə ‘bir saatlıq aktyorluq təhsili olmaz’ deyirdim. Lakin agentlik təhsil barədə yanlış məlumatlar verirdi. Hələ də mən təlim keçirmişəm kimi satış edirdilər. Lakin saxta imza ilə sertifikat paylamaq tamamilə başqa bir səviyyəyə çatdı və mən tədbir görməyə məcbur qaldım.”
Leave a Reply to Rəna Teymurlu Cancel reply