Rentgen görüntüsü polisləri şoka saldı: Əməliyyatla güclə ələ keçirildi

Həbsxanaya Belə Termosla Daxil Olmaq İstəyən Şəxs Hər Kəsi Heyrətə Salıb

Polk County Şerif Ofisinin məlumatına görə, hadisə şənbə axşamı bir parkda “tualetdə çılpaq bir kişinin” görüldüyü barədə edilən zənglə başlayıb. Polis hadisə yerinə çatdıqda Walter Frymire adlı şəxsi geyinmiş vəziyyətdə tapıb. O anda hər hansı bir qanun pozuntusu müəyyən edilmədiyi üçün sərbəst buraxılıb.

Qısa Müddət Sonra Yenidən Saxlanıldı

Lakin az sonra Frymire parkın qarşısındakı qatar relslərinə icazəsiz daxil olub. Bu dəfə “icazəsiz giriş” cinayəti ilə saxlanılan Frymire-in üzərində aparılan axtarış zamanı qadağan olunmuş maddə qalıqları olan şüşə bir pipa tapılıb. Şəxs özü də 28 ildir narkotik maddə istifadə etdiyini etiraf edib.

Rentgen Şüası İlə Üzə Çıxan Şok Fakt

Həbs edilən Frymire adi prosedurla həbsxanaya aparılıb. Lakin girişdə aparılan bədən müayinəsi zamanı əməkdaşlar heyrətə gəliblər. Rentgen cihazında onun ombasından qabırğalarına qədər uzanan yad bir cismin görüntüsü aşkarlanıb.

Aparılan araşdırma nəticəsində cismin termos olduğu müəyyən edilib. Walter Frymire polislərə “Udmadım!” deyərək vəziyyəti etiraf edib. Şerif Grady Judd məsələ ilə bağlı verdiyi açıqlamada zarafatla deyib:

“Daha əvvəl narkotik maddələrin insanlara nələr etdiyini izah etmişdim, amma buna heç kim inanmazdı. Walter həbsxanaya qadağan olunmuş maddə deyil, bir termos soxub. Həm də ‘çıxış rampasından!’”.

Xəstəxanada Cərrahi Müdaxilə İlə Çıxarıldı

Frymire təcili olaraq xəstəxanaya yerləşdirilib və mütəxəssis həkimlər tərəfindən aparılan cərrahiyyə əməliyyatı nəticəsində termos çıxarılıb. Termosun içində hər hansı bir maddə olub-olmadığı barədə məlumat verilməyib, lakin Frymire əlavə bir ittihamla üzləşməyib.

Hadisədən sonra Polk County Şerif Ofisi rəisi Judd hazırladığı qısa video mətbuat açıqlamasında gülüşlər içində olayı nəql edib:

“Demişdim, inanmayacaqsınız. Daha əvvəl belə bir şey görməmişəm. İnanılmaz dərəcədə çətin ki, baş verə.”

24 saat