Arda Güler-in möhtəşəm qolu "Real Madrid"-ə qələbə gətirdi
İspaniya La Liqasının 4-cü turunda "Real Madrid" səfərdə "Real Sosyedad" ilə qarşılaşıb. Madrid klubu oyundan 2-1 hesablı qələbə ilə ayrılıb. Qonaq komandanın qələbə qollarını 12-ci dəqiqədə Kilian Mbappe və 44-cü dəqiqədə Arda Güler vurub. Ev sahibi komandanın yeganə qolunu 56-cı dəqiqədə penaltidən Oyarsabal reallaşdırıb.
Arda Güler-in 2-ci dəqiqədə vurduğu qol, Kilian Mbappe-nin ofsaydda olması səbəbindən etibarsız sayılıb. Digər tərəfdən, "Real Madrid"-də Xuijsen 32-ci dəqiqədə birbaşa qırmızı kart alaraq oyundan kənarlaşdırılıb. Bu nəticədən sonra xalını 12-yə yüksəldən "Real Madrid" liderliyini qoruyub. Ardıcıl ikinci dəfə məğlub olan "Sosyedad" isə 2 xalla 17-ci pillədə yer alıb.
Arda Güler-in performansı böhran yarada bilər
Arda Güler-in mövsümün əvvəlindən bəri göstərdiyi performans alqışlarla qarşılanır. Türkiyəli ulduz oyunçu baş məşqçi Alonso-nun ən çox güvəndiyi oyunçulardan biri olub. İspaniya mətbuatının xəbərinə görə, 3 ay meydanlardan uzaq qalan Cud Bellinqem-in "Real Madrid"-dəki gələcəyi böhran yarada bilər.
"Real Madrid"in orta sahəsində artıq ilk "11-liy"in dəyişməzi halına gələn Arda Güler və komandadakı ilk matçlarında yaxşı başlanğıc edən argentinalı yeni transfer Franko Mastantuono, Alonso-nun diqqətini cəlb etməyə başlayıb.
Gənc baş məşqçinin, Bellinqemi yenidən "11-liy"ə salmaq istəsə, bu iki isimin birini ehtiyatda saxlamaq istəmədiyi bildirilir. İspaniyalı mütəxəssis, forma imtiyazlarının sona çatdığını qeyd edib və Rodriqonu seçərək Vinisius Junioru ehtiyat oyunçular skamyasına oturtmuşdu. Cud Bellinqemin meydanlara qayıdışının oktyabr ayına təsadüf edəcəyi gözlənilir.
Oxucu Şərhləri
Şərh Yaz