Trabzonspor-dan sərt reaksiya
Türkiyə Super Liqasının 6-cı turunda Trabzonspor öz meydanında Qaziantep FK ilə qarşılaşıb. İlk hissəsi Qaziantep FK-nın üstünlüyü ilə başa çatan oyun 1-1 hesabı ilə bərabərə bitib. Qarşılaşmanın hakimi Arda Qardaşlar qəbul etdiyi qərarlarla böyük etirazlara səbəb olub. Trabzonspor klubu sosial media hesabından bu barədə sərt açıqlama yayıb: “Bu görüntü bir hakimin pis niyyətini və əxlaqa zidd davranışını ən açıq şəkildə ortaya qoyur.
Ədalət üçün, haqq üçün, tökülən alın təri üçün; hücumumuzu qəsdən əngəlləyən bu hakim haqqında Türkiyə Futbol Federasiyası dərhal hərəkətə keçməlidir. Bu şəxsin bir daha türk futbolunda vəzifə almasına icazə verilməməlidir!”
Federasiya başçısının mövqeyi
Türkiyə Futbol Federasiyasının başçısı İbrahim Hacıosmanoğlu da Arda Qardaşlar haqqında lazımi tədbirlərin görüləcəyini bildirib. Hacıosmanoğlu A Spor-a verdiyi açıqlamada bunları deyib:
“Hakimlər mənim qardaşlarımdır, onların səhvləri mənim səhvlərimdir. Səhvləri düzəltmək üçün böyük bir mübarizə aparırıq, çalışırıq. Ancaq bu axşam yaşanan sadəcə bir səhv deyil. Vəziyyəti təkrar-təkrar izləyirəm. Bəli, bir faul vəziyyəti var. Sərbəst vuruşla oyun başlayır və hakim rəqib cərimə meydançasına doğru gedir, sağda bomboş gedən bir oyunçu görür, solda gedəni görür… Bunun qaydası belədir; yanlış yerdən başlayıbsa oyun, yerindən tərpənmədən fit çalarsan, yerindən başlatdırarsan. Bütün beynəlxalq matçlarda da bu belədir. Əgər sərbəst vuruş istifadə edilərkən rəqib yarı sahəsinə doğru gedirsinizsə və sonra dayanıb fit çalırsınızsa, bu hakim səhvi deyil. Mən həyatımda belə bir şey görmədim. Bunun bədəli ağırdır.”
"Federasiyaya çağırdım"
“Hakim yoldaşı bazar ertəsi federasiyaya çağırdım. Özü ilə danışdım. Lazım gələni edəcəyəm, hətta daha artığını. Bizim tək məqsədimiz var, ədalətli və hamıya bərabər məsafədə futbola xidmət etmək. Belə bir hərəkət edildiyi üçün bir idmansevər olaraq ictimaiyyətdən üzr diləyirik. Lazım gələnin ediləcəyini deyirəm. Təkrar üzr diləyir, ictimaiyyətə hörmətlərimi bildirirəm.”
Oxucu Şərhləri
Şərh Yaz