Arda Ünyay qırmızı kart alaraq meydanı alqışlarla tərk etdi

"Qalatasaray"dan gözlənilməz məğlubiyyət və gənc oyunçunun faciəsi

"Qalatasaray" UEFA Çempionlar Liqasının 5-ci turunda Belçikanın "Union Saint-Gilloise" komandasına evdə 1-0 hesabı ilə məğlub olub. Bu məğlubiyyət "Qalatasaray" azarkeşlərini məyus etməklə yanaşı, gənc oyunçu Arda Ünyayın yaşadığı faciə ilə də yadda qalıb.

Arda Ünyayın debütü və qırmızı kartla bitən oyun

18 yaşlı stoper Arda Ünyay bu matçda karyerasında ilk dəfə Çempionlar Liqası oyununda forma geyinib. "Qalatasaray"ın bu mövsüm "Devlər Liqası"nda keçirdiyi 4 oyunda da heyətdə olan, lakin meydana çıxmaq şansı qazanmayan Arda, "Union Saint-Gilloise" matçının 53-cü dəqiqəsində İsmayıl Yakobsun əvəzinə oyuna daxil olub.

Gənc müdafiəçi matçın 89-cu dəqiqəsində ikinci sarı vərəqəsini alaraq meydandan qovulub. Böyük üzüntü yaşayan Arda Ünyayı əvvəlcə komanda yoldaşları, sonra isə baş məşqçi Okan Buruk təsəlli edib. Gənc futbolçu stadionu dolduran "Qalatasaray" azarkeşlərinin alqışları ilə meydanı tərk edib.

Arda Ünyay 2025-ci ilin fevral ayında "Ankaragücü" klubundan 500 min avro transfer dəyəri ilə "Qalatasaray"a transfer edilmişdi.

İsmayıl Yakobsun zədəsi

Digər tərəfdən, "Qalatasaray"ın seneqalli sol cinah müdafiəçisi İsmayıl Yakobs zədələnərək oyundan çıxıb. Ağrıları səbəbindən Trendyol Super Liqasının 13-cü turunda "Gənclərbirliyi" matçında forma geyə bilməyən Yakobs, "Union Saint-Gilloise" matçına ilk "11-lik"də başlayıb. Təcrübəli futbolçu 53-cü dəqiqədə yerini Arda Ünyaya verərkən axsaya-axsaya kənara gəlib.

24 saat