Atletiko Madrid Tiago Almadanı transfer edib
İspaniyanın güclü təmsilçisi
Atletiko Madrid Braziliyanın “Botafoqo” klubundan argentinalı futbolçu
Tiago Almadanı heyətinə qatıb. Klubun rəsmi açıqlamasına görə, 24 yaşlı
yarımmüdafiəçi ilə 2030-cu il iyunun 30-dək etibarlı müqavilə imzalanıb. İspaniya mətbuatında isə bu transferin “Matrasçılar”a 21 milyon avroya başa gəldiyi iddia olunur.
Tiago Almadanın karyerası
Daha əvvəl Argentinada “Velez Sarsfild” və ABŞ-da “Atlanta Yunayted” komandalarının formasını geyinmiş
Tiago Almada ötən il “Botafoqo”ya keçib. Gənc futbolçu ötən mövsümün ikinci yarısında Fransa təmsilçisi “Lion”da icarə əsasında çıxış edərək 20 oyunda 2 qol vurub. Bu transfer
Atletiko Madridin gələcək mövsümlər üçün heyətini gücləndirmək istiqamətində atdığı əhəmiyyətli addımlardan biri hesab olunur.
24 saat
