Barış Alperin problemi həll olunur, rəhbərlik qərar qəbul etdi

Barış Alper Yılmaz Qalatasarayda qalır

Qapıçı Uğurcan Çakırı heyətinə 36 milyon avroya daxil edən və transfer işlərinə davam edən sarı-qırmızılılar, Barış Alper Yılmazı komandada saxlayacaq.

Yeni müqavilə təklifi

Səudiyyə Ərəbistanı klublarından olan NEOM-un 40 milyon avrodan yüksək təklifini geri çevirən Qalatasaray, bu səbəbdən Barış Alperin narazılığı ilə qarşılaşmış və klubda böhran yaranmışdı. Sarı-qırmızılılar NEOM-un son təklifini də rədd edərək Barış Alperə yeni müqavilə verilməsi barədə qərar qəbul edib.

Haber Türk-ün məlumatına görə, futbolçunun ayrılmasına icazə verməyən prezident Dursun Özbek, Barış Alperlə görüş keçirib. Son toplantıda futbolçunun Qalatasarayda qalmasına qərar verilib.

Çempionlar Liqasında Qalatasaray forması ilə mübarizə aparmağa davam edəcək futbolçu Barış Alper Yılmaz üçün klub qısa müddət ərzində yeni, daha yüksək məbləğli müqavilə imzalayacaq. Futbolçuya illik 2 milyon avro maaşının 100 faizindən çox artırılması gözlənilir.

24 saat