Beşiktaş iki futbolçusu haqda açıqlama verdi

Beşiktaş rəhbərliyi, futbolçu Ersin Destanoğlu və Necip Uysalın adı hallanan futbol bahisləri sorğusu ilə əlaqədar açıqlama yayıb. Klub, oyunçularına tam dəstək verdiyini bildirib.

Türkiyə Futbol Federasiyasının (TFF) peşəkar liqalarda apardığı bahis araşdırması çərçivəsində iki futbolçu – Ersin Destanoğlu və Necip Uysalın – Peşəkar Futbol İntizam Komitəsinə (PFDK) göndərilməsi ilə bağlı Beşiktaş klubu rəsmi saytında bəyanat yayımlayıb. Klub, prosesi diqqətlə izlədiyini və futbolçu hüquqlarının qorunmasının vacibliyini vurğulayıb.

Beşiktaş klubunun bəyanatında deyilir: "İki futbolçumuzun PFDK-ya göndərilməsi prosesi, tərəfimizdən diqqətlə izlənilir. Başda futbolçularımızın şəxsiyyət hüquqları və ailələri ilə bağlı bu həssas vəziyyətin, beynəlxalq hüquq normalarına uyğun olaraq, təqsirsizlik prezumpsiyası nəzərə alınmaqla böyük bir titizliklə aparılması zəruridir." Klub, hər iki futbolçunun günahsız olduğuna inandığını və TFF qarşısında müvafiq təşəbbüslərə başlayacağını bildirib. Həmçinin, futbolçuların İstanbul Cümhuriyyət Baş Prokurorluğuna müraciət edərək hüquqi etirazlarını edəcəkləri qeyd olunub.

Beşiktaş JK, məsələnin davamlı olaraq izləniləcəyini və TFF ilə əlaqə saxlanılacağını ictimaiyyətə bildirib.

24 saat