Tanınmış sima, aparıcı, aktrisa və model, iki uşaq anası Çağla Şıkel bu yaxınlarda Instagram hesabından paylaşdığı səhər yeməyi ilə gündəmə gəlmişdi.
Səhər yeməyi müzakirələri
46 yaşlı məşhur modelin səhər yeməyi boşqabında bir qədər çiy çərəz və beş həb var idi. Bəziləri bu səhər öyününü normal qəbul etsə də, digərləri qeyri-sağlam qidalanma nümunəsi kimi qiymətləndirmişdi.
Ünlü sima tənqidlərə cavab olaraq bildirmişdi: "Sanki qurbağa budları yeyirmişəm kimi şərhlər yazılmışdı. Aç oyanmadığım üçün belə çərəzlərlə keçirdiyim öyünlər olur. Hər səhər vitaminlərimi qəbul edirəm. Təbii şəkildə paylaşdım, insident yaratmaq məqsədim yox idi. Bu bir balans məsələsidir. Yeməyi balanslaşdırmaq kimidir."
Bali tətilindən yeni görüntülər
Hazırda Çağla Şıkel tətil paylaşımları ilə adından söz etdirir. Anası və oğulları ilə Baliyə yollanan 46 yaşlı Şıkel, hovuzda verdiyi pozları, iki oğlu və anası ilə çəkdirdiyi fotoları sosial media hesabında izləyiciləri ilə bölüşüb.