Beşiktaşdan Orta Sahaya Yeni Hərəkət
Yeni transfer mövsümünə David Yurasek və Tammi Abraham keçidləri ilə başlayan Beşiktaş klubu, dayaq yarımmüdafiəçisi mövqeyinə gücləndirmə üçün fəallaşıb. Al Musrati ilə yollarını ayırmağa hazırlaşan "qara-qartallar", İtaliyanın "Napoli" klubunda çıxış edən isveçli futbolçuya rəsmi təklif göndərib.
Kajuste İlə Razılıq Əldə Edildi
İstanbul təmsilçisi İtaliya nəhənginin 2023-cü ildə "Reyms"dən 11.5 milyon avroya heyətinə qatdığı Yens Kajustu öz sıralarına cəlb etmək üçün danışıqları sürətləndirib. Məşhur italiyalı jurnalist Fabritsio Romanonun məlumatına əsasən; "qara-qartallar" Yens Kajust üçün "Napoli"yə 1 milyon avro icarə haqqı və 6.5 milyon avro şərtli satınalma opsiyonu təklif edib. "Relevo" nəşrinin xəbərinə görə isə, satınalma opsiyonunun müəyyən şərtlərə bağlı olduğu və Kajuste ilə Türkiyə klubu arasında ilkin razılığın əldə edildiyi qeyd olunur.
25 yaşlı yarımmüdafiəçi son mövsümü İngiltərə Premyer Liqasında aşağı liqaya düşən "İpsviç Taun"da icarə əsasında keçirib. ABŞ əsilli isveçli dayaq yarımmüdafiəçisi İngiltərə təmsilçisinin heyətində 33 oyunda meydançaya çıxıb.