Qapıçı transferi: "Qalatasaray"dan gözlənilməz addım
"Qalatasaray" komandası yeni mövsüm üçün qapıçı transferi məsələsində sürpriz addımlar atmağa davam edir. Daha əvvəl Ederson və Senne Lammenslə danışıqlar aparan "sarı-qırmızılılar", indi də Gianluigi Donnarumma üçün hərəkətə keçib.
Donnarumma "Qalatasaray"a pulsuz transfer ola bilər
Jurnalist Rudy Galetti-nin yaydığı məlumata görə, "Qalatasaray" italiyalı ulduz qapıçını heç bir ödəniş etmədən heyətinə qata bilər. Ötən həftə PSJ azarkeşləri ilə vidalaşan Donnarumma-nın "Qalatasaray"a transferi üçün klub rəhbərliyi danışıqları davam etdirir.
Gələcək satışdan əldə edilən gəlir PSJ-yə veriləcək
Galetti bu barədə "Transfer haqqı yoxdur, sadəcə gələcəkdəki təkrar satış dəyəri – bazar məntiqini sarsıda biləcək və oyunçu agentliyi ilə bağlı böyük suallar yarada biləcək bir addım..." ifadələrini işlədib. Bu cür razılaşma əldə olunarsa, "Qalatasaray" 26 yaşlı italiyalı qapıçı üçün heç bir transfer haqqı ödəməyəcək. Sadəcə futbolçunun gələcəkdəki satış dəyəri üzərindən bir müqavilə bağlanılacaq. Razılaşma təmin edilərsə, gələcək satışdan əldə olunan bütün məbləğ PSJ-yə veriləcək.
Oxucu Şərhləri
Şərh Yaz