Dortmund-Madrid: Bellingham qardaşları şoka düşdü

FIFA Kulüblər Dünya Kuboku turnirinin son 16 turunda Dortmund "Monterrey" klubunu 2-1 hesabı ilə məğlub edərək adını bir üst tura yazdırdı.

Alman təmsilçisində 14-cü dəqiqədə fərqlənən Guirassy, komandasını 1-0 hesablıq üstünlüyə çıxardı. 10 dəqiqə sonra bir daha rəqib qapısını vuran Guirassy, 24-cü dəqiqədə hesabı 2-0 etdi. Meksika klubu "Monterrey"in yeganə qolunu isə 48-ci dəqiqədə Berterame vurdu. Matçın qalan dəqiqələrində başqa qol qeydə alınmadı və Almaniya klubu növbəti mərhələyə vəsiqə qazandı.

Adını dörddəbir finala yazdıran sarı-qaralar, "Yuventus"u 1-0 hesabı ilə mübarizədən kənarlaşdıran "Real Madrid"in rəqibi oldu. Bu qarşılaşma eyni zamanda xüsusi bir məna daşıyırdı, lakin gözlənilməz bir hadisə baş verdi.

Qardaşlar Üz-üzə Gəlməyəcək

"Real Madrid"in ulduz futbolçusu Cude Bellingham qardaşı Cobe Bellingham ilə dörddəbir finalda üz-üzə gəlməyə hazırlaşırdı, lakin gənc futbolçu cəzalı duruma düşdü.

28-ci dəqiqədə sarı kart alan Cobe Bellingham dörddəbir final öncəsi cəzalı vəziyyətə düşdüyü üçün qardaşı ilə meydanda qarşı-qarşıya oynamaq fürsətini itirdi. Dünyanın maraqla gözlədiyi "Bellingham" derbisi başqa bir vaxta qaldı.

19 yaşlı Cobe Bellingham bu yay "Sanderlend"dən 30.5 milyon avro qarşılığında Almaniyanın Dortmund klubuna transfer olub. Bu transferlə gənc oyunçu, Almaniya təmsilçisinin tarixinin ən bahalı ikinci transferi olmaqla yanaşı, qardaşı Cude Bellinghamdan da baha başa gəlib.

24 saat