Yüzminlərlə Təqibçisi Olan Abdelhamid
Yüzminlərlə təqibçisi olan Abdelhamidin həm də sələfi təriqətinə yaxın olduğu açıqlanıb. Düsseldorf polisi, 2021-2024-cü illər ərzində törədilən dələduzluq halları ilə yanaşı, onun dövlətdən haqsız yerə sosial yardım alması faktını da aşkarlayıb. Abdelhamidin evində aparılan axtarış zamanı lüks AMG Mercedes, BMW avtomobilləri, Rolex saatları və bahalı çantalarına əl qoyulub. İnsanların dini hisslərini istismar edərək dəbdəbəli həyat sürən Abdelhamidin birlikdə yaşadığı makedoniyalı həyat yoldaşı Gültən İ. (33) barəsində də üç il həbs cəzası tələb edilir.
Təqsirini Etiraf Etdi
Abdelhamid məhkəmədə daha yüngül cəza almaq üçün bütün təqsirini etiraf edib. O, dini inanc hisslərindən istifadə edərək topladığı pulları necə lüks əşyalara yatırdığını danışıb və bunu təkbaşına etdiyini bildirib. Həcc ziyarətinə gedərək orada pozlar verən Abdelhamidin lüks əmlakına əl qoyulub və onlar dövlətin mülkiyyətinə keçəcək. Abdelhamid haqqında məhkəmə işi davam edir və onun həm də sosial yardım dələduzluqlarına görə ayrıca mühakimə olunacağı qeyd edilir. Fenomenin həyat yoldaşı da polisə yardım etdiyi üçün üç il şərti cəza alacaq.