Folcarelli Trabzonspor tarixində iz buraxmaq niyyətindədir

Trabzonspor – Tarix yazmaq hədəfi

Folcarelli, Trabzonspor jurnalına verdiyi müsahibədə, klubun zəngin tarixi və azarkeşlərin böyük coşğusu ilə seçilən, əhəmiyyətli bir komanda olduğunu vurğulayıb. O, "Bu qədər böyük bir kluba transferim barədə bir neçə il əvvəl soruşsaydılar, bunun reallaşacağına inanmazdım. Bu, çox çalışmaq tələb edir. Bu mühitin bir hissəsi olmaq, həm meydanda, həm də meydandan kənarda mənə çox şey qazandırdı" deyə bildirib.

Rahat iş şəraiti və azarkeş dəstəyi

Klubun rahat iş şəraiti təklif etdiyini qeyd edən Folcarelli, "Azarkeşlərimiz də motivasiyamızı artırmaq üçün əllərindən gələni edirlər. Onların və şəhərin futbola olan sevgisi yüksək səviyyədədir. Mənə güvən verən bu mühitdə, hər gün daha da inkişaf etdiyimi düşünürəm. Bu böyük ailənin bir parçası olmaq, adımı klubun tarixinə yazdırmaq istəyirəm. Trabzonspor forması ilə unudulmaz uğurlara imza atmaq əsas məqsədimdir" – deyə əlavə edib.

Uduzmağı sevməyən xarakter

Tim Jabol Folcarelli, meydandan kənarda insanlarla ünsiyyət qurmağı bacaran, zarafatcıl, şən və təmkinli biri olduğunu deyib. O, bunları qeyd edib: "Meydana çıxdığım zaman, komandamı ən yaxşı şəkildə təmsil etmək üçün tamamilə dəyişirəm. Lazım gələrsə, rəqibi bir canavar kimi dişləməkdən çəkinmərəm. Qazanmaq üçün hər topa müdaxilə edən, mübariz və lazım gəldikdə sərt bir oyunçu oluram. Rəqibə hörmət edirəm, ancaq meydanda olduğunuz zaman, ağlınızda yalnız bir şey olur: ya mən, ya da o. Qalib gəlmək üçün heç nədən çəkinmərəm. Bu, işimi yaxşı görmək və komandam üçün hər şeyi vermək istəyimdən irəli gəlir. Uduzmaqdan heç xoşum gəlmir, buna görə də meydanda daha həvəsli və qərarlıyam."

Həm hücumda, həm də müdafiədə özündən tələb olunanları yerinə yetirməyə çalışdığını bildirən Folcarelli, "İki cərimə meydançası arasında həm topla, həm də top olmadan çoxlu qaçışlar edə bilirəm. Həmçinin, top qazanmaq, rəqibi sıradan çıxarmaq və cərimə meydançasına daxil olmaq kimi məqamlar da töhfəmin əsas hissələridir" – deyə fikirlərini bölüşüb.

Ədalətə olan münasibət

Folcarelli, yalnız futboluna fokuslandığını vurğulayaraq, bunları deyib: "Rəqiblər sizi təzyiq altında saxlamağa və zehni cəhətdən çökdürüb meydandan kənarlaşdırmağa çalışırlar. Amma mən bunlara qulaq asmıram, kimin nə etdiyi ilə maraqlanmıram belə. Yalnız komandama fayda verməyə fokuslanıram. Rəqibin nə etdiyini, nə dediyini vecinə almıram, daha doğrusu rəqibin hər hansı bir şəkildə ağlıma girməsinə icazə vermirəm. Mən yalnız futbola köklənmişəm. Ancaq belə bir həqiqət də var: Məni meydanda ən çox əsəbiləşdirən şey ədalətsizlikdir. Hakim qərarlarında bunu açıq şəkildə gördüyüm zaman çox əsəbiləşirəm. Bir də öz xarakterindən kənar, həddindən artıq özünə güvənən futbolçularla oynamaqdan da nifrət edirəm."

24 saat