Gedson Fernandes rəsmən ayrıldı

Beşiktaş Gedson Fernandeslə yollarını ayırdı

Gedson Fernandesin transferində razılıq əldə olundu

Türkiyə Super Liqası komandalarından olan Beşiktaş, portuqaliyalı yarımmüdafiəçi Gedson Fernandesin transferi üçün Rusiyanın Spartak Moskva klubu ilə razılığa gəlib. Bu barədə klub rəsmi məlumat yayıb.

Transferin maliyyə detalları açıqlandı

Klubdan verilən açıqlamada 26 yaşlı oyunçunun birdəfəlik transferi üçün 20 milyon 779 min avro ödəniləcəyi bildirilib. Bundan əlavə, müqavilədə şərtlərə bağlı olaraq 7 milyon 272 min avro dəyərində bonusların da nəzərdə tutulduğu qeyd olunub.

Gedson Fernandes Beşiktaş tarixinin ən bahalı satışı oldu

Gedson Fernandes, bonuslarla birlikdə ödəniləcək transfer məbləği ilə Beşiktaş tarixinin ən bahalı satışı kimi tarixə düşüb. Portuqaliyalı futbolçu bu göstəricidə Cenk Tosunu geridə qoyub. Cenk Tosun daha əvvəl 22.5 milyon avroya Everton klubuna transfer olunmuşdu.

Klubun rəsmi açıqlaması

Beşiktaş klubunun rəsmi internet səhifəsində yayımlanan açıqlamada aşağıdakılar qeyd olunub:

“Peşəkar futbolçumuz Gedson Karvalyo Fernandesin FC Spartak-Moscow JSC-a qəti transferi barədə razılıq əldə olunmuşdur. Razılığa əsasən, FC Spartak-Moscow JSC klubumuza müqavilənin ləğvi müqabilində 20.779.220 avro ödəniş edəcəkdir. Bundan əlavə, klubumuzla FC Spartak-Moscow JSC arasında imzalanmış transfer müqaviləsinə əsasən, ümumi məbləği 7.272.729 avronu aşmayacaq şəkildə şərtə bağlı bonuslar mövcuddur."

“2022-ci ildən bəri formamızı geyinən və bu müddət ərzində qazandığımız bir Türkiyə Kuboku və bir Super Kubok çempionluğunda pay sahibi olan Gedson Fernandesə klubumuza verdiyi töhfələrə görə təşəkkür edir, bundan sonrakı karyerasında uğurlar arzulayırıq.”

24 saat