Göztepe xal itirdi

Göztepe-nin seriyası qolsuz bərabərliklə başa çatdı

Süper Lig-də fasilədən əvvəl evində Gənclərbirliyi komandasını 1-0, səfərdə isə Kasımpaşa komandasını 2-0 hesabı ilə məğlub edən Göztepe, 13-cü həftə matçında son zamanlar yüksəlişdə olan Kocaelisporla evində qolsuz bərabərə qalaraq qələbə seriyasına son qoydu.

Avrokuboklar üçün mübarizə davam edir

Bu mövsüm 5-ci heç-heçəsini edən sarı-qırmızılar, 23 xalla həftəni 5-ci sırada tamamladı. Göztepe-nin Avropa kubokları üçün mübarizə apardığı rəqibləri Beşiktaş və Samsunspor da heç-heçə etdi. Kocaelispor matçında yaxşı müdafiə oyunu göstərən Göztepe, hücumda isə istədiyi effekti yarada bilmədi. Komanda son 3 matçını qol buraxmadan başa vurub.

Ev oyunlarında məğlubiyyətsizlik davam edir

Sarı-qırmızılar bu mövsüm evində oynadığı 6 qarşılaşmada məğlub olmayıb. Fənərbaxça və Kocaelisporla qolsuz, Konyasporla isə 1-1 bərabərə qalan Göztepe, Beşiktaş-ı 3-0, RAMS Başakşehir və Gənclərbirliyi-ni də 1-0 hesabı ilə məğlub edib. Texniki direktor Stanimir Stoilov isə qış fasiləsində hücum xəttinə oyunçu transfer edəcəklərini bildirib. Komandasının müdafiə performansından çox razı olduğunu deyən bolqar mütəxəssis, "Hücumda isə istədiyimiz kimi oynaya bilmirik. Yaranan şanslardan yararlana bilmirik. Mütləq ön xəttə 2 və ya daha artıq yaradıcı oyunçu almalıyıq. Bununla həm rəqabət mühiti yaradacağıq, həm də seçim variantlarımızı artıracağıq" şərhini verib. Göztepe bu həftə Antalyaspor səfərinə yollanacaq.

24 saat