Güzide Duran və Adnan Aksoy arasında boşanma mübarizəsi alovlanıb
1996-cı il “Best Model of Türkiye” müsabiqəsinin qalibi Güzide Duran 2008-ci il aprelin 3-də Çırağan Sarayında iş adamı Adnan Aksoy ilə ailə həyatı qurub. Bu evlilikdən onların iki övladı dünyaya gəlib. Lakin zaman keçdikcə cütlüyün münasibətlərində gərginlik yaranıb və nəticədə onlar boşanma prosesinə başlamaq qərarı veriblər.
Güzide Duranın adı “Galatasaray”ın baş məşqçisi Okan Burukla eşq dedi-qodularına qarışıb. Adnan Aksoy həyat yoldaşının ona xəyanət etdiyini və təhqir etdiyini iddia edərək 2 türk lirəsi məbləğində təzminat tələb edib. Öz növbəsində Güzide Duran boşanma prosesisinin məsuliyyətini Adnan Aksoyun üzərinə qoyaraq əks-iddia qaldırıb. O, 20 milyon türk lirəsi məbləğində təzminat tələb edib və ərinə qarşı şiddət iddiaları ilə çıxış edib.
Bu hadisələr davam edərkən Güzide Duranın “Beşiktaş” klubunun sabiq prezidenti Fikrət Ormanla münasibətdə olduğu barədə şayiələr yayılıb. Cütlüyün eşqi ötən həftə sübut olunub; onlar Arnavutköydəki bir məkandan əl-ələ çıxarkən fotokameralara tuş gəliblər.
Adnan Aksoy: "Hələ də soyadımı daşıyır"
Güzide Duranın hələ də boşanma prosesində olduğu əri Adnan Aksoy bu münasibətin ortaya çıxmasına sərt reaksiya verib.
Adnan Aksoy sosial media hesabında kəskin bəyanatla çıxış edib: "Bu ibrətamiz görüntüləri heç bir əxlaq və vicdan sahibi şəxs təsdiq edib qəbul etməz, edə bilməz! Çünki boşanma prosesi davam edir və təəssüf ki, bu şəxsiyyət hələ də mənim soyadımı daşıyır. Evlilik birliyinə hörməti bir yana qoyun, bu həyat tərzi və düşüncəsizlik, geridə qoyduğu uşaqlara qarşı belə, ən yüngül ifadə ilə desək, xəyanətdir."
Adnan Aksoyun "Hələ də bu şəxsiyyət mənim soyadımı daşıyır" sözlərindən sonra Güzide Duran sosial media hesablarından “Aksoy” soyadını silib və ötən axşam övladlarının fotosunu paylaşıb.
Oğlu Əmirlə çəkdirdiyi fotoya “Qəlbim, səbir” qeydini əlavə edən məşhur model daha sonra izləyiciləri ilə dərdişib.
"İnsan anasını və ya atasını dəyişdirə bilməz"
Uşaqları Selin və Əmirə duyduğu həsrəti dilə gətirən Güzide Duran deyib: "Hansı uşaq anası və ya atası haqqında pis bir söz eşitmək istəyər? İnsan anasını və ya atasını dəyişə bilməz. Həyatdır, ər-arvad anlaşmaya və ya boşanma prosesi yaşaya bilər, lakin uşağın anasını və ya atasını dəyişmə imkanı yoxdur. Valideynlər uşağı bir-birinə qarşı cəbhələşdirməyin heç bir faydasını görməz, əksinə, uşağın çıxılmaz problemlər yaşamasına yol açarlar."
O, sözlərinə belə davam edib: "Boşanma prosesi zamanı tək günahsız tərəfin uşaq olduğu unudulmamalı və uşağın intiqam vasitəsi kimi istifadə edilməməsi lazımdır. Tərəflərdən birinin mübahisəli vəziyyəti aşağıdan götürməsi ilə uşaq zamanla dürüst tərəfin kim olduğunu və həqiqəti anlayacaqdır."
Oxucu Şərhləri
Şərh Yaz