"Hayat Bilgisi"nin "Mennan"ı Erdal Türkmen indi necədir

'Mennan' xarakteri ilə yaddaşlara həkk olunan Erdal Türkmenin yeni həyatı

Türkiyə ictimaiyyəti onu "Mennan" rolu ilə tanıdı və hazırkı görünüşü hər kəsi təəccübləndirdi. "Hayat Bilgisi" serialının sevilən siması Erdal Türkmen indi tamam başqa bir sahədə fəaliyyət göstərir.

"Hayat Bilgisi" serialı və "Mennan" obrazı

Bir dövrə damğa vuran "Hayat Bilgisi" serialında "Yüce Rabbim amirimi müdür olsun diye yaratmış yav" ifadəsi ilə yaddaşlara həkk olunan "Mennan" obrazını canlandıran Erdal Türkmen, aktyorluğa son qoyaraq indi fərqli bir həyat tərzi seçib. 2000-ci illər gənclik seriallarının qızıl dövrü idi. Bu seriallar arasında ən yadda qalanlardan biri də 2003-cü ildə yayımlanan və 4 mövsüm davam edən "Hayat Bilgisi" idi. Gani Müjdenin qələmə aldığı komediya janrındakı bu layihənin baş rollarında Perran Kutman və Tarık Pabuççuoğlu kimi məşhur aktyorlar yer alırdı.

İdealist Afət müəllimə və onun şagirdlərinin həyatını əks etdirən bu ekran əsərində bəzi xarakterlər xüsusi olaraq ön plana çıxırdı. Erdal Türkmen də "Rıdvan Kanat Liseyi"nin xadimi "Mennan" obrazı ilə tamaşaçıların rəğbətini qazanmışdı.

Aktyorluqdan əvvəlki fəaliyyəti və hazırkı işi

Türkmen bu roldan əvvəl aktyorluqla yolunun necə kəsişdiyini belə nəql edir: "Öz xüsusiyyətlərinə görə sənəti sevən, açıqfikirli bir ailədə böyüdüm. 6-7 yaşlarımda Bülent Kayabaşın baş rolunu oynadığı 'Bugün Bayram Bir Kaşık Ayran' adlı uşaq tamaşasını tüklərim ürpərmiş halda izlədim. Mən də orada olmaq istəyirdim. Aradan illər keçdi. 15-16 yaşlarımda 'Gırgır' və 'Fırt' yumor jurnallarının heyətinə peşəkar karikaturaçı kimi daxil oldum. Oğuz Aral və Tekin Aral kimi ustalarımla uzun illər çalışdım. Karikaturaçı olmağım səhnədə olmaq istəyimi dayandırmağa kifayət etməmişdi."

Aktyorluq peşəsini buraxan Türkmen hazırda "Haber Arası" adlı YouTube proqramında Türkiyə gündəmini özünəməxsus üslubda şərh edir.

24 saat