Husilər Ədəndəki prezident sarayını hədəf aldı: Ölənlər və yaralananlar var

Husilər Ədəndəki prezident sarayına hücum edib: Ölən və yaralananlar var

Yəməndə gərginlik yenidən pik həddə çatıb. İranın dəstəyini alan husi üsyançıları ölkənin beynəlxalq aləmdə tanınan hökumətinin yerləşdiyi Ədən şəhərindəki Əl-Maashiq prezident sarayına qanlı hücum həyata keçiriblər.

Cümə axşamı reallaşan bu hücum nəticəsində azı beş nəfər həyatını itirib. Ölənlər arasında Baş nazir Şaya Əl-Zindaninin mühafizəçilərindən ikisi də yer alıb.

Bu insident husilərin Səudiyyə Ərəbistanı və Yəmən hökumətinə qarşı apardıqları hərbi əməliyyatların yeni və daha təhlükəli bir mərhələyə daxil olduğunu nümayiş etdirir. Hücumun birbaşa yüksək səviyyəli dövlət obyektini hədəfə alması bölgədəki onsuz da kövrək olan təhlükəsizlik mühitini daha da ağırlaşdırıb.

Beynəlxalq ictimaiyyət və region ölkələri baş vermiş bu terror aktını kəskin şəkildə qınayıblar. Yəmən hökuməti isə öz növbəsində təhlükəsizlik tədbirlərinin ciddi şəkildə artırılacağını və bu cür təxribatlara qarşı qətiyyətli cavab veriləcəyini bəyan edib.

Hücumun arxasında duran qüvvələrin əsas məqsədinin Yəməndəki siyasi sabitliyi pozmaq və dövlət strukturlarını zəiflətmək olduğu vurğulanır. Hazırda Ədəndə vəziyyət gərgin olaraq qalmaqdadır.