Jack Grealish "Everton"a keçdi

İngiltərə təmsilçisi Everton heyətini gücləndirməyə davam edir. Klub, "Mançester Siti"nin ulduz futbolçusu Jack Grealish ilə icarə müqaviləsi imzalayıb.

Grealish "Everton"da

Klub rəsmilərinin verdiyi məlumata əsasən, 29 yaşlı sol cinah oyunçusu 2025/26 mövsümünü "Everton"da keçirəcək. Grealish komandada 18 nömrəli forma ilə çıxış edəcək.

Transferdən sonra açıqlama

Müqaviləyə imza atdıqdan sonra açıqlama verən Grealish, "Everton"a keçdiyinə görə çox sevindiğini bildirib: "Düzünü desəm, bu, mənim üçün çox böyük bir hadisədir. Burada inanılmaz azarkeşləri olan möhtəşəm bir klub var. Baş məşqçi ilə danışdıqdan dərhal sonra getmək istədiyim yeganə yerin bura olduğunu anladım. Sosial mediada "Everton" azarkeşlərindən gələn mesajlarla dolub daşıram, bu da işin bir parçasıdır və məhz bu səbəbdən "Everton"u seçdim".

Grealishin karyerası

"Aston Villa"dan 2021-ci ildə 117.5 milyon avroya "Mançester Siti"yə transfer olan Jack Grealish, bu komanda ilə UEFA Çempionlar Liqası, UEFA Super Kuboku və FİFA Klublararası Dünya Çempionatının qalibi olub. O, həmçinin 3 dəfə İngiltərə Premyer Liqası çempionluğunu qazanıb.

24 saat