Liverpuldan Vəfa Borcu: Jota Forması Əbədiləşdirildi
İngiltərə Premyer Liqasının nəhəng təmsilçisi “Liverpul” klubu, faciəvi şəkildə həyatını itirən 28 yaşlı portuqaliyalı futbolçu Diogo Jotanın 20 nömrəli formasını istifadədən çıxardığını elan edib. Bu qərar, klubun rəsmi internet saytında verilən bəyanatla ictimaiyyətə açıqlanıb.
Qalibiyyətə Töhfə və Unudulmaz Anlar
Klubun bəyanatında Jota’nın komandaya verdiyi misilsiz töhfələrə xüsusi vurğu edilib. Bildirilib ki, "20 nömrəli oyunçu, 2024-25 mövsümündə qazanılan çempionluqda (klubun 20-ci çempionluğu) göstərdiyi performans və töhfələrlə yaddaşlarda həmişə yaşayacaq. Aprel ayında keçirilən Mersisayd derbisində Kop tribunası qarşısında etdiyi xarakterik zərbə və vurduğu qolla qələbəni təmin edən futbolçu, karyerasının son qoluna imza atdı."
Faciəvi Sonluq
Portuqaliyalı hücumçu, İspaniyanın Zamora şəhərində baş verən dəhşətli yol qəzasında özü kimi futbolçu olan qardaşı Andre Silva ilə birlikdə dünyasını dəyişib.