“Qadın olsam necə olaram?” Paylaşımı Gündəm Yaratdı
Murat Cemcir sosial media hesabında süni intellekt vasitəsilə yaradılmış qadın versiyasını izləyiciləri ilə paylaşıb. Fotonun altına "Qadın olsam necə olaram? Süni intellektlə ilk təmas" qeydini əlavə edən aktyorun bu paylaşımı qısa müddətdə minlərlə bəyənmə və şərhlə qarşılanıb. Onun bu maraqlı cəhdi sosial şəbəkə istifadəçiləri arasında geniş yayılıb.
“Evliliyi Heç Düşünmədim”
Digər tərəfdən, aktyor bu yaxınlarda Əhməd Mümtaz Taylanın proqramına qonaq olaraq şəxsi həyatı ilə bağlı səmimi açıqlamalar verib. Evlilik mövzusuna toxunan Cemcir, həyatında bu addımı indiyə qədər heç düşünmədiyini bildirib. O qeyd edib: "Qohumlarım, əmisiuşaqlarım, ailəm çox xoşbəxt evliliklər yaşayır. Bizim insanlarımız çox özəl, şən insanlardır. Əlbəttə, valideynlər də istəyər; bir oğlu, bir qızı var, nəvə görmək istəyərlər..."
Aktyorun süni intellektlə həyata keçirdiyi bu orijinal paylaşım, rəqəmsal dünyada sənətçilər və texnologiya arasındakı qarşılıqlı əlaqənin gəldiyi səviyyəni bir daha nümayiş etdirib.