Makron: Gərginlik Azaldılmalı, Danışıqlar Masasına Qayıdılmalıdır
Fransa Prezidenti Emmanuel Makron sosial media hesabından etdiyi paylaşımda İranın öz ərazisində vurduğu Qətərə Fransanın həmrəyliyini çatdırdı. O, ölkə rəsmiləri və regional tərəfdaşları ilə sıx təmasda olduğunu bildirdi.
Makron bütün tərəfləri gərginliyi azaltmağa və danışıqlar masasına qayıtmağa çağırdı. Prezident həmçinin, "Xaos spiralı bitməlidir," - deyə bəyan etdi.
İranın Nüvə Proqramı və Hürmüz Boğazı Vurğusu
Bu arada, Norveçin paytaxtı Osloda səfərdə olan Makron
Norveç Baş naziri Yonas Qar Störe ilə görüşdü. Makron mətbuata açıqlamasında ABŞ-ın İranın nüvə obyektlərinə qarşı hücumlarının "hüquqi əsasının olmadığını" qeyd etdi. Fransa Prezidenti Fransanın məqsədinin İranın nüvə silahı əldə etməsinin qarşısını almaq olduğunu, lakin problemin diplomatik yollarla həll edilməli olduğunu vurğuladı.
Makron bölgədə gərginliyin artmasının ciddi risk daşıdığına diqqət çəkdi. O, "Tehranın Hürmüz boğazını bağlaması qlobal iqtisadiyyatda böyük təsir və reaksiyalara səbəb ola bilər," - deyərək xəbərdarlıq etdi. Makron həmçinin qeyd etdi ki, İranda rejim dəyişikliyi baş verəcəksə, bu, xalqın iradəsi ilə olmalıdır.
Norveçlə Strateji Tərəfdaşlıq
Baş nazir Störe isə Qəzza da daxil olmaqla, münaqişələrin hərbi yolla həll edilə bilməyəcəyini bildirdi. Makronun Norveçə səfəri çərçivəsində iki ölkə arasında genişmiqyaslı strateji tərəfdaşlıq sazişi imzalandı.
24 saat
