Milli komandaya Argentinadan transfer

Futbol üzrə Türkiyə Milli Komandası 2026 Dünya Çempionatına gedən yolda heyətini gücləndirmək üçün yeni addımlar atır. Komanda rəsmiləri, hazırda Argentinanın gənclər yığmasında çıxış edən 17 yaşlı istedadlı futbolçu üçün hərəkətə keçib.

Can Armando Güner: Türkiyə Millisinin Radarında

Türkiyə Milli Komandasının nümayəndələri, Almaniyanın "M’Gladbach" klubunda çıxış edən Can Armando Güner-i milli komandaya cəlb etməyi planlaşdırır. 17 yaşlı futbolçunun anası alman, atası isə türkmənşəlidir. Bundan əlavə, onun nənəsi argentinalıdır.

Can Armando Güner-in Seçim Labirinti

Can Armando Güner əvvəlcə Almaniya millisindən gələn dəvəti qəbul etsə də, sonradan fikrini dəyişərək Argentinanın təklifinə müsbət cavab vermişdi. Argentina U17 yığmasının heyətində yer alan və Qətərdə keçirilən U17 Dünya Çempionatında iştirak edən hücumameyilli oyunçuya, Türkiyə tərəfindən də dəvət göndərilib.

Hücum xəttinin sağ cinahında oynayan 17 yaşlı futbolçu, hələlik əsas milli komanda səviyyəsində qərar verməyib. ESPN-in yaydığı məlumata görə, Can Armando Güner ötən yay Argentina və Türkiyə milli komandalarından təklif alıb və oyunçu hələlik yekun qərarını verməyib. Almaniya, Türkiyə və Argentina arasında seçim etməli olan Can Armando Güner-in daha çox oyun praktikası qazana biləcəyi komanda ilə irəliləmək istədiyi bildirilir.

24 saat