Osimhen "Qalatasaray"a gəlir, klub böyük gəlir əldə edəcək

Osimhen-in transferi ilə bağlı son mərhələ

Viktor Osimhen-in Galatasaray-a transferi bütün detalları ilə Türkiyə futbol tarixində iz qoyacaq. "Napoli"dən 80 milyon avro qarşılığında transfer edilən nigeriyalı forvetlə bağlı bu gün son əməliyyatlar həyata keçiriləcək və müqavilələr imzalanacaq.

Sarı-qırmızılı klub transfer videosunu hazırlayıb. Ulduz futbolçunun transferini 1-2 gün ərzində möhtəşəm təqdimatla elan edəcək Galatasaray, Osimhen-in Türkiyəyə gəlişi ilə böyük gəlir əldə etməyi planlaşdırır. Klub, Osimhen-in təyyarə səyahətinin "Galatasaray"ın "YouTube" kanalında yayımlanmasını nəzərdə tutur.

Abunə kampaniyası və bilet satışından gəlir gözləntisi

"Flight Radar" tətbiqi üçün bir çox tanınmış şəxslə əlaqə saxlayan Galatasaray, müxtəlif kampaniyalarla gəlir əldə etməyi hədəfləyir. Klub, 150 min olan abunə sayının həmin gün 300 minə çatacağını proqnozlaşdırır. 30 TL-lik üzvlük haqqını artıracaq klubun, 300 min abunədən gözlədiyi gəlir təxminən 10 milyon TL civarında olacaq. Sarı-qırmızılılar, 2 Avqust şənbə günü "Rams Park"da oynanılacaq "Lazio" oyununda Sane və Osimhen-ə imza mərasimi təşkil etməyi planlaşdırır. Həmin matça kombine biletlər keçərli olmayacaq və bilet satışından 200 milyon TL gəlir əldə etmək hədəflənir.

GS Store-larda satış rekordları gözlənilir

Klubun lisenziyalı məhsullarının satıldığı GS Store-larda da satışların artacağı gözlənilir. Nigeriyalı forvet üçün xüsusi məhsullar hazırlanıb. Yeni formalar, xüsusi maska və xüsusi köynəklər olmaqla bir-birindən fərqli məhsullar GS Store-larda azarkeşlərin bəyənisinə təqdim olunacaq. Böyük maraqla qarşılanacağı gözlənilən məhsullardan 1 gün ərzində 15 milyon TL gəlir əldə edilməsi planlaşdırılır. Ötən il 800 min forma satışı həyata keçirən Galatasaray, bu mövsüm 1 milyon satış hədəfini aşmağı qarşısına məqsəd qoyub. Beləliklə, Leroy Sane və Osimhen-in maaş yükü xeyli azaldılacaq.

24 saat