Paytaxtda su böhranı dərinləşir

Ankara susuzluqla üz-üzə: Barajlardakı vəziyyət kritik həddə

Paytaxt Ankara yetərsiz yağıntılar və quraqlıq səbəbindən ciddi su böhranı ilə üzləşib. Alınmayan tədbirlər, infrastruktur problemləri və davamlı su planlamasındakı çatışmazlıqlar su təhlükəsizliyini kritik nöqtəyə gətirib. Barajlardakı doluluk səviyyəsinin də azalması ilə su kəsintiləri qaçılmaz olub.

Şəhərə su təmin edən barajlarda istifadəyə yararlı suyun miqdarı 210 milyon kubmetrə düşüb. Eğrekkaya, Akyar və Çamlıdere barajlarında isə ölü həcmdəki suyun sistemə daxil edilməsi üçün texniki işlər aparılır.

Gecə saatlarında su təchizatında məhdudiyyətlər ola bilər

ASKİ (Ankara Su və Kanalizasiya İdarəsi) Baş Direktoru Memduh Aslan Akçay bildirib ki, suyun ən az istifadə olunduğu saatlarda, xüsusilə gecə saatlarında suyun verilməsi nəzarət altında olacaq. Akçay, kəsintilərin əksəriyyətinin arızalar səbəbindən baş verdiyini də qeyd edib.

Əvvəlki su kəsintiləri günlərlə davam etmişdi

Ankaranın içməli su ehtiyacının mühüm bir hissəsini qarşılayan Kesikköprü Barajından şəhərə gündəlik 530 min kubmetr su ötürən Kesikköprü İçməli Su Magistral Xəttində iki dəfə partlayış baş vermişdi.

Bu səbəbdən şəhərə verilən suyun miqdarı yarıbayarı azalmış, bəzi bölgələrdə 4 günə qədər su kəsintiləri yaşanmışdı.

24 saat