Hakan Çalhanoğlu "Qalatasaray"a yaxınlaşır
Hakan Çalhanoğlu, uşaqlıq arzusu adlandırdığı "Qalatasaray"a bu dəfə həqiqətən də çox yaxındır. Baş məşqçi Okan Burukun da heyətinə görmək istədiyi "İnter"in ulduzu üçün danışıqlara yenidən başlanılıb. Bir ay əvvəl yüksək tələblər irəli sürərək, transfer üçün 30 milyon avro istəyən italyanlar, transfer balansında 50 milyon avro zərərə düşdükdən sonra tələblərini 50 faizədək azaldıblar. Bu inkişafdan sonra "sarı-qırmızılı" idarə heyəti "İnter"lə bir daha masa arxasına oturub.
Prezidentlər Monakoda görüşdü
Çempionlar Liqasının püşkatma mərasimində prezident Giuseppe Marotta ilə görüşən Dursun Özbek, 5 milyon avro icarə və 10 milyon avro satın alma opsiyası təklifini rəqibinə çatdırıb. 31 yaşlı təcrübəli oyunçunun bir neçə gün əvvəl "Aslan" loqolu paylaşımı da məqsədli şəkildə edilib. "Cimbom", əcnəbi qapıçı transferi ilə limit dolacağı üçün orta sahə mövqeyini Hakan Çalhanoğlu ilə gücləndirərək Zaniolonu da komandada saxlamağı planlaşdırır.
Oxucu Şərhləri
Şərh Yaz