Qalatasarayda Barış Alper qalmaqalı yaşanır

Galatasarayda Barış Alper Yılmaz ətrafında yaranan gərginlik artmaqda davam edir. Səudiyyə Ərəbistanının NEOM SC klubunun 35 milyon avroluq təklifini rədd edən sarı-qırmızılılar, ərəb klubundan 50 milyon avro tələb edib. ## Barış Alper Yılmaz məşqlərə çıxmır?

Ərəbistan klubunun təklif etdiyi yüksək maaşdan sonra Barış Alper Yılmazın məşqlərə çıxmadığı iddia edilir. Türkiyə milli futbol komandasının oyunçusunun, Galatasarayın etdiyi 4.5 milyon avroluq maaş təklifinə rədd cavabı verərək öz tələbini bildirdiyi qeyd olunur.

## "3 gündür məşqlərə çıxmır" iddiası

Səudiyyə Ərəbistanı təmsilçisi NEOM SC-nin Barış Alper Yılmaza olan marağı, Galatasarayda böhrana səbəb olub. Milli futbolçunun 3 gündür məşqlərə çıxmadığı iddia edilir. Səhhətində problem olmadığı halda, Barış Alper Yılmazın 3 gündür məşqlərə qatılmadığı bildirilir.

Özünə edilən yüksək təklifi böyük fürsət kimi dəyərləndirən Barış Alper Yılmaz, transferinə icazə verilməsini istəyib.

## Galatasaraydan açıqlama

NEOM SC-nin Barış Alper Yılmaz ilə icazəsiz görüşməsi ilə bağlı Galatasaraydan verilən açıqlamada bu ifadələrə yer verilmişdi:

"Galatasaray İdman Klubu olaraq, kişi futbol komandamızın yeni mövsümə hazırlıqlarını diqqətlə davam etdiririk. Əsas hədəfimiz, həm Süper Liqdə, həm də UEFA Çempionlar Liqasında ən güclü heyətlə mübarizə apararaq, cəmiyyətimizə yeni uğurlar qazandırmaqdır.

Bu plan çərçivəsində mövcud oyunçu qrupumuzu qorumaq, heyətimizin sabitliyini təmin etmək və ehtiyac duyulan mövqelərə lazımi gücləndirmələr etmək prioritetlərimiz arasındadır.

Son günlərdə ictimaiyyətdə yer alan oyunçularımızla bağlı transfer xəbərlərini diqqətlə izləyirik. Heyətdəki hər bir oyunçumuz, klubumuz üçün mühüm dəyərdir. Oyunçularımızın meydandakı töhfələri ilə yanaşı, bağlılıqları və mübarizələri bütün Galatasaraylıları sevindirir.

Ancaq təəssüflə bildirmək istəyirik ki, dəfələrlə təklifləri rədd edilmiş olmasına baxmayaraq, bəzi klubların FİFA qaydalarını saymayaraq, müqaviləsi davam edən oyunçularımızın nümayəndələri ilə səlahiyyətsiz görüşlər apardıqları müəyyən edilmişdir. Bu cəhdlər, futbolun etik dəyərlərinə və beynəlxalq qaydalara açıqca ziddir.

Galatasaray İdman Klubu, oyunçularımızın iradəsini və əmin-amanlığını pozmağı hədəfləyən bu cür etik davranışlara qarşı susmamış, müvafiq qurumlara lazımi xəbərdarlıqlar göndərilmişdir. Prosesin ən qəti şəkildə izləyicisi olacağımızı vurğulamaq istəyirik.

Bütün tərəfdarlarımız əmin olsunlar ki, Galatasaray heyətini qorumaqla yanaşı, daha da gücləndirmək üçün səylərini qətiyyətlə davam etdirəcəkdir."

24 saat