Qaziantep FK son dəqiqədə qələbə qazandı

Gaziantep FK, Süper Liqanın 3-cü turunda öz meydanında Gençlerbirliği ilə qarşılaşıb və oyundan 2-1 hesablı qələbə ilə ayrılıb.

Oyunun 5-ci dəqiqəsində Gençlerbirliği komandasının hücumçusu Metehan Mimaroğlu sol cinahdan cərimə meydanına daxil olaraq zərbə endirsə də, qapıçı Mustafa Burak Bozan topu zərərsizləşdirməyi bacarıb.

8-ci dəqiqədə Göktan Gürpüzün küncdən ötürməsini dəqiq baş zərbəsi ilə tamamlayan Zuzek hesabı açıb: 0-1.

12-ci dəqiqədə Gaziantep FK komandasının oyunçusu Kozlowski cərimə meydanına ötürülən topa başla zərbə endirib, lakin qapıçı topu çətinliklə də olsa, tutub.

36-cı dəqiqədə cərimə meydançasının xaricindən cərimə zərbəsi vuran Maxim'in zərbəsini qapıçı küncə çıxarıb.

43-cü dəqiqədə Gaziantep FK komandasının hücumçusu Sorescu, Maxim'in ötürməsini qola çevirərək hesabı bərabərləşdirib: 1-1.

68-ci dəqiqədə Sorescu sağ cinahdan cərimə meydanına daxil olub zərbə endirsə də, top az fərqlə kənara çıxıb.

79-cu dəqiqədə Sorescu topu cərimə meydançasının xəttində olan Maxim'e ötürüb. Maxim'in zərbəsi isə bir qədər aralıdan keçib.

90+1-ci dəqiqədə Maxim'in küncdən ötürməsini Kozlowski başla tamamlasa da, top hədəfə getməyib.

90+3-cü dəqiqədə sol cinahdan cərimə meydanına daxil olan Lungoyi, Nalepa'nın müdaxiləsi nəticəsində yerə yıxılıb. Hakim penalti təyin edib və Nalepa'ya qırmızı kart göstərərək onu meydandan qovub.

90+4-cü dəqiqədə penaltini dəqiq yerinə yetirən Maxim komandasına qələbə qazandırıb: 2-1.

Beləliklə, matç Gaziantep FK'nın 2-1 hesablı qələbəsi ilə başa çatıb.

24 saat