Rashford Barselonaya daimi keçid istəyir

Markus Reşford Barselonada Qalmaq Arzusundadır

Barselona klubunun hücumçusu Markus Reşford Mançester Yunayteddən icarəyə götürüldüyü müddətdən sonra İspaniya təmsilçisində qalmaq istədiyini açıqlayıb. O, bütün karyerasını İngiltərədə keçirdikdən sonra bu transferi zəruri bir dəyişiklik kimi qiymətləndirir.

Barselona, Mançester Yunayteddən mövsümboyu icarəyə götürdüyü Reşfordun əməkhaqqını tamamilə ödəyir. Mançesterdə doğulmuş futbolçu maaş kəsilməsi ilə razılaşıb və onun satın alma opsiyonu təxminən 30 milyon avro ($35 milyon) olaraq müəyyənləşib. Reşfordun “Qırmızı İblislər”lə olan müqaviləsi 2028-ci ilə qədər olsa da, ötən il baş məşqçi Ruben Amorim ilə yaranan münaqişədən sonra onun "Old Trafford"dakı gələcəyi qeyri-müəyyən görünürdü. Lakin 27 yaşlı futbolçu “Barselona”nın baş məşqçisi Hansi Flikin rəhbərliyi altında yenidən öz formasına qovuşub.

Yeni Mühit, Yeni Forma

Cümə axşamı ESPN-ə verdiyi müsahibədə Markus Reşford "Barselona"da qalmaq istəyib-istəmədiyi sualına qətiyyətlə "Əlbəttə" cavabını verib. O, sözlərinə belə davam edib: "Mən bu futbol klubundan zövq alıram və düşünürəm ki, futbolu sevən hər kəs üçün Barselona oyun tarixindəki əsas klublardan biridir. Bir futbolçu üçün bu, şərəfdir."

Ötən mövsüm Aston Villada qısa bir icarə müddətində formasını bərpa etməyə başlayan İngiltərə millisinin üzvü, “Barselona”da daha da irəliləyərək bütün yarışlarda 12 oyunda 5 qol vurub və 6 assist edib. Bazar günü keçiriləcək ilk "El Klasiko"dan əvvəl Reşford xaricə köçməyin ona yeni bir perspektiv qazandırdığını bildirib.

“İnsanlar bunu unudurlar, lakin həyatımın 23 ili Mançester Yunaytedlə keçib. Bəzən sadəcə bir dəyişiklik lazımdır. Düşünürəm ki, mənim vəziyyətimdə də belə oldu və mən hər şeydən zövq alıram”, – o qeyd edib.

24 saat